Read Falam Chin JOHAN 8 Bible Online

JOHAN 8 - Falam Chin bible

JOHAN 8

⁵³[Cun mi hmuahhmuah cu an inn ciarah an tlung; A Sual Laifangih Kaihmi Nunau asinain Jesuh cu Olif Tlang parah a hung feh. A thaisun zingthlapit ah Biakinn ah a feh sal. Mi tampi in an pan, cule Jesuh cu a to ih thu a zirh. Culai fangah Daanthiam saya pawl le Farasi mi pawl in ṭaangṭawm sualnak a tuah laifang rori an kaihmi nunau nu kha an hruai ih zapi hmaiah an dinter. Jesuh hnen ahcun, “Sayapa, hi nunau nu hi ṭaangṭawm sualnak a tuah laifang rori-ih kaihmi a si. Kan Daan sungah Moses ih thupekmi vekin cubangtuk nunau cu lungto in denthat ding a si. Nang ziangti in so na ruah?” tiah an sut. Hitiih an suhnak cu Jesuh kha sual an puh theinak dingih thang an kammi a si. Asinain anih cu a kun ih leilung ah a kutzung in ca a ngan. Cutiin thu an sut rero ruangah cun Jesuh cu dingtein a hung to ih an hnenah, “Nanmah lakah sualnak a tuah dah lomi in hmaisabik ah lungto in deng uh,” tiah a ti. Cule a kun sal ih leilung ah ca a ngan sal. Cumi an theih tikah an zatein pakhat hnu pakhat an tla(...)

⁵⁴Jesuh in, “Keimah ih hminthannak ka hawl a si ahcun cuih hminthannak cu zianghman a si lo ding. Kei i sunloihtu cu ka Pa a si ih ‘Kan Pathian a si’ nan timi rori hi a si.

⁵⁵Nannih cun nan thei dah lo; asinain kei cun ka thei. Amah cu ka thei dah lo ka ti ahcun nanmah vek thotho in thuphan pertu ka si ding. Sikhalsehla amah cu ka thei taktak ih a thu khal ka thlun.

⁵⁶Nan pa Abraham cu ka ratnak ding tikcu caan hmuh duh in a hngakhlap zet; a hmu ngah ngaingai ih a lung a awi zet a si,” tiah a ti.

⁵⁷Annih in, “Kum sawmnga hman na kim hrih lo sikhawh ziangtinso Abraham cu na hmuh?” tiah an ti.

⁵⁸Jesuh in, “Thungaite in ka lo sim: Abraham a suah hlan khalah Keimah a si mi ka si,”[12] tiah a ti.

⁵⁹Cule lungto an sar ih den an tum, asinain Jesuh cu a relh ih Biakinn ihsin a feh hlo.