Read Falam Chin 1 KORIN 13 Bible Online

1 KORIN 13 - Falam Chin bible

1 KORIN 13

¹Milai ṭong a phunphun le vancungmi ṭong khal thiam hman ningla duhdawtnak ka neih lo ahcun ka ṭong cu a ring meenmi darkhuang le a awn rurimi darsumsel bangtuk a si.

²Profet thusim thiamnak laksawng siseh, fimthiamnak a phunphun le thuthuuk a phunphun theih theinak khal siseh, tlang ṭhawn thei zumnak tiang khal nei hman ningla duhdawtnak ka neih lo ahcun zianghman ka si lo.

³Ka neih hmuahhmuah mi pe ṭheh in ka ruangpi hi meisa ih ur dingah pe hman ningla duhdawtnak ka neih lo ahcun ka hrangah zianghman a ṭhahnem lo.

⁴Duhdawtnak cu a thin a sau ih mi zaangfah a thiam; duhdawtnak cu mi a iksiik lo, tluang a khawng lo ih a puarthau fawn lo.

⁵Duhdawtnak cu nun hel-hlong in a nung lo, amah ih zawn lawng a ruat lo, a thin a tawi lo, cule tisual mi parah thinciin a nei lo.

⁶Duhdawtnak cu thil ṭha lo parah a lung a awi lo, asinain thutak parah a lung a awi.

⁷Duhdawtnak cu a bei a dong dah lo; ziangkim a zum, ziangkim a beisei ih ziangkim a tuar thei.

⁸Duhdawtnak cu cem ni a nei lo. Sikhalsehla profet thusim thiamnak pawl cu a reh ding; theih lo ṭong ih ṭong theinak khal a cem ding. Thiamnak le theihnak tla an hloral ding.

⁹Ziangahtile thiamnak laksawng kan ngahmi le profet thusim thiamnak kan comi pawl hi a ṭhen a hrekte lawng an si.

¹⁰Sikhalsehla a famkimmi a ra thlen tikah cun a famkim lomi pawl cu an hlo ṭheh ding.

¹¹Nauhak ka rak si laiah cun ka ṭong daan, ka thil hmuhdan le ka thuruahdan cu an nauhak ngaingai. Asinain atuah cun ka upa thlang ih nauhak daan cu ka thlun duh nawn lo.

¹²Atuih thil kan hmuhdan cu thlalang sungah fiang lem loih a thlam kan hmuh vek khi a si; sikhalsehla cutikah cun hmaitontein kan hmu ding. Atuih thil ka theihmi cu a kim lo; asinain cutikah cun kim zetin ka thei ding. Pathian ih i theihnak a kimzet bangin ka theihnak khal a kimzet ve leh ding.

¹³Atu-ah cun a hmun ringringmi thil pathum an um ih zumnak, ruahsannak le duhdawtnak an si; himi lakah a tum bikmi cu duhdawtnak a si.