Read Falam Chin 2 TIMOTE 3 Bible Online

2 TIMOTE 3 - Falam Chin bible

2 TIMOTE 3

¹Ni neta lamah cun harsat caan tampi a thleng ding ti kha ciing ringring aw.

²Mi tampi an tirh a fak ding, an hamṭam dingih an hngal an puarthau ding. Mi an hmuhsuam ding, an nu le an pa ih thu khal an el ding, lungawi hna an thiam lo ding ih biaknak khal ziangah an siar lo ding.

³Mi zaangfah an thiam lo ding, mizawn ruahnak an nei lo ding, mi thangsiat duhtu an si ding, mithawi le mivelh duh an si ding ih ṭihnungza an si ding. A ṭhami an hua ding.

⁴Mi zuarthlai le mi phiarhmang an si ding ih helhlong ih a nungmi an si ding; an uang aw hngialhngial ding ih Pathian hnakin an tisa nomnak an duh sawn ding.

⁵Kan biaknak hi a lenglam cun an pom ding; asinain a sunglam ih a cahnak hmual ngaingai cu an hnong ding. Cubangtuk minung pawl cu kom hlah uh.

⁶Cubangtuk hrekkhat pawl cu midang innah lut tahratin sualnak thilrit a phurtu nunau pawl, taksa hiarnak ih a neh duahdomi le,

⁷thutak theih duh ah a zir rero naón a thei thei lomi nunau ṭawnṭai pawl kha an va nehsawh, an va hmuhsuam ṭheu a si.

⁸Jannes le Jambres[2] cu Moses dodaltu an si vekin himi pawl cu thutak dodaltu an si. Hi pawl cu ṭhatein thu a ruat thei lomi thinlung dik lo le an zumnak ah a tlasammi an si.

⁹An tumtahmi-ah hlapi an thleng lo ding; ziangahtile mi hmuahhmuah in an aatnak kha an thei mai ding. Jannes le Jambres khal cu vek rori an rak si ve.

¹⁰Nang cu ka thuzirhnak, ka ziaza le ka nun sungih ka tumtahmi na hmu ih na thlun zo. Ka zumnak, ka thinsaunak, ka duhdawtnak le ka tuar theinak,

¹¹hremsiat ka tonnak le harsatnak ka tuarmi pawl tla na hmu zo. Antiok, Ikoniam le Listra khua ah hremsiatnak nasa zetih ka tuarmi pawl cu na theih ṭhehmi an si. Sikhalsehla Bawipa in cuih sung ihsin i hum suak.

¹²Zovek khal Khrih thawn a pehzom awknak in Pathian duhzawng ih nun a tumtu cu hremnak a tong ko ding.

¹³Cule miṭha lo le mi hrokhrawl pawl cu a sia lam an pan vivo ding; mi an bum vivo ding ih anmah khal bum an si ve ding.

¹⁴Sikhalsehla nang cu na zir zomi le hngetkhoh zetih na zummi thutak pawlah khan hnget zetin ding ringring aw. A lo zirhtu saya pawl zo an si ti na thei ih,

¹⁵Ca Thianghlim cu na nauhakte lai ihsin na thei zo ti kha hngilh hlah aw. Cuih Ca Thianghlim cu Khrih Jesuh na zumnak sungin rundamnak ah a lo thlentu, fimnak a lo petu a si.

¹⁶Ca Thianghlim hmuahhmuah hi Pathian ih thawkhummi a si[3] ih thutak zirhnak, zirhsual simhrinnak, a sualmi remsaalnak ah le dingteih nitin nunnak ih zirh awknak ah a ṭha.

¹⁷Cutiih Pathian hna a ṭuantu cu mi tlamtling a si ding ih thil ṭha phunzakip tuah dingah thuam famkim neimi a si ding.