Read Falam Chin 3 JOHAN 1 Bible Online

3 JOHAN 1 - Falam Chin bible

3 JOHAN 1

¹Kawhhran upa keimah in ka duhdawt zetmi Gaius na hnenah hi ca hi ka lo kuat.

²Ka duhdawtmi ka rual, thlarau lamah damte in na um ti ka theih vekin ziang hmuahhmuahah harhdam le siarem ih na umnak dingah na hrangah thla ka cam;

³Nang cu thutak sungah a um ringringmi na si bangtuk in thutak ah taimakin na um hrih ti thu Khristian unau pawl in in ra sim ih ka lung a awi ngaingai.

⁴Ka faale pawl thutak sungah an nungcang ti ka theih hnakih ka lung i awitertu thu dang a um nawn lo.

⁵Ka duhdawtmi ka rual, na Khristian unau hrang hna na ṭuan tikah, na theih dah lomi an si hmanah rin um zetin na ṭuan a si.

⁶Duhdawtnak na neih zia cu hi tawk kawhhran hnenah an ra rel zo. Hmailam an feh hrihnak ding lamzin khalah Pathian lungtong zawng in rak bawm hrih aw.

⁷Ziangahtile Khrih hnaṭuannak an lamzin an rak thok tikah zum lotu pawl hnen ihsin bomnak ziang hman la loin Khrih hnaṭuan an rak thok a si.

⁸Curuangah thutak sungih an hnaṭuannak sungah kannih khal kan tel venak dingah kannih Khristian pawl in napi in kan bawm pei.

⁹Kawhhran hnenah ca tawite ka ngan; asinain an hotu si a duhtu Diotrefes cun ka simmi cu ziang hmanah a siar lo ding.

¹⁰Curuangah ka ra thlen tikah a tuahmi hmuahhmuah ka phuang thluh ding; kan thuhla siazet ih a relmi le thuphan a permi pawl ka langter ṭheh ding. Culawng a si hrih lo. Khristian unau pawl an ra tlawn tikah thlen-inn a on duh lo ih thlen-inn on a duhtu pawl hman kha a kham ih cupawl cu kawhhran sung ihsin phuar dingah a zuam ciamco a si.

¹¹Ka duhdawtmi ka rual, a ṭha lomi kha cawng hlah aw; a ṭhami cawng sawn aw. A ṭhami a tuahtu cu Pathian ta a si, a ṭha lomi a tuahtu cun Pathian a hmu lo.

¹²Zozo khal in Demetrias an lawm; thutak hrimhrim khal in a lawm a si. Kanmah khal in cumi cu kan theihpi vemi a si ih kan simmi cu a dikmi a si ti na thei.

¹³Thu lo sim ding tamzet ka nei, asinain cafung le cati thawn cun ngan ka duh lo.

¹⁴Lo tlawn cing ka tum ih cunah hmaitonin ka lo sim leh ding.

¹⁵Daihnak na parah um hram seh. Na rualpi pawl in cibai an lo buk. Kan rualpi pawl kha pumpak ciar in cibai in rak buksak aw.