Read Fore 1 Korinti 5 Bible Online

1 Korinti 5 - Fore bible

1 Korinti 5

¹Tige tikapi kumiyenaba tabera aborama waintiye, yega abuwe. Piya, kaꞌwaina abawampa nkwae maeye, yega abuwe. We, piyaenaba abeꞌisa kinaꞌmi nkikapipa kampa aboragina, to awametane.

²Pigoya, tigeba nana pegiri tigebigoꞌena pewe, a. Ayamabaya tigeba kampa tintaraꞌena puntiri, pi pemi ntagarapa kampa agasawe.

³Pigoya, naeba nauꞌnepa pagasara mintogana, naguꞌnempa tigege mintiye. Piya, tigege miyosinta, pi pemitaka kamana yosa puma, ibantoba Waꞌega Isu nkagegaꞌera otaosine.

⁴Piya, tigeba aki pigina, naguꞌnempaba tigege ampintakana, Waꞌegare Isu ae esegiyena timekiri, maya uma otaiyo:

⁵Kana yagaramaba auꞌwapa Satani nkamekana paisaenawapa ata potakana, ainti Waꞌega Isu kanabi aguꞌwapa Koti ababeno, uma otaiyo. Ataena pemiꞌnapa kasiyo, untiye

⁶Pigoya, titipa uwa maete iyepa, pipa kamparagaena pewe. We, yisiti pisa puma asaena amanankantoba nakenabinti ataigina, aꞌyaꞌma asabawaewakiye. Pika kampa napiyewe, a.

⁷Pigoya, tigeba Koti nkaobi aota kina mintiripa, tikapintisa asaenaba aisaꞌma maegasima, aota naninta kanta puma miyiyo. We, tauꞌikena sipisipi awaropa antotaꞌenaretapa aeguntane. Pi mputapa Karaisitiwe.

⁸Pigoya, tauꞌikenaenagaba kaoꞌena puma aogima taꞌmu peno. Piya, nanintabisa asaenawapa kasisa puma, wasana ata puwaitakenaenabe aguntaenaripe kasimagiri, aogi Pasoba naninta nasa puma, parutuꞌenabe tagantanabe maema kaoꞌena puma nama tiꞌmu piyo.

⁹Pigoya, kupiyona pe kinaꞌmigeba ka kina kanta pumaba a-mpiyiyoma, esaꞌnepa kaema timintone.

¹⁰Piya, mamparasa kupiyona pe kinaꞌmikaba kampa untuwe. Igebe, mampabisaenaga ibugai kinape, ku kinape, ama koti nkaegara kinape, igekaba kampa untuwe. Kampaye. We, mamparasa kinapa igasasinta aempari wasine.

¹¹Piya: Mono yagaranawe, yemi ntagarama kupiyona pemipa, aegeba kapipa a-mpiyiyoma, kaerimintuwe. Eya, kupiyona pemi, mampabisaenaga abugami, ama koti nkaegarami, akaya kamana yemi, esegi wani ntama aiboꞌena pemi, kuntana pemi, pabiya pe mpono kinaꞌmigeba kapipa a-mpimagiri, igege kapipa nanintaba a-ntaiyoma, kaerimintuwe.

¹²We, abeꞌisa kina kamana uwaitakenaenaba naeꞌenaba kampaye. Pipa Kotintanawe. Piya, monota aiꞌaru pe kinaꞌmitaba tikapintisa ata pe kinaꞌmipa kamana uwaitakenaenaba tigeꞌenawe. Eya, aguntaena pemi ntagaraba agarubakasigina tikapintiba a-mpiyeno.