Read Fore 1 Tesaronaika 3 Bible Online

1 Tesaronaika 3 - Fore bible

1 Tesaronaika 3

¹Pigoya, uwasuwa puma misanagaba kampa tabuma, tige tigasanaga tabugama, napiyenarempa kanara poga, tasibinto Atenisi kumata mima,

²taoꞌyagara Timoti otauwagana, tasitate tigeti wantiye. Aeba Koti kayokayaꞌena puma, Karaisiti mpono yuga pemi ntagarawe. Piya, aꞌyugu kaꞌisa tigetisa kinaꞌmi iki naki puma iyekuru pusanaga, aepa otauwagana, tiyoꞌmaema timatitiꞌena tonkiya puritanema wantiye. Tigeba ago agantawe. Pi tauki nakiyenaga taeke utaratantiye.

⁴Eya, pai tigege mima taeba maya urimintompene: Aintiba tauki nakiyenaba maekunema, urimintompekana, pigo taeti aboragiri agawe.

⁵Piya pemika, uwasuwa puma misanagaba kampa naboga, timatiti agori abenema, Timoti otauwagana tigeti wantiye. Aꞌyugu amiyo puritakena yagarama ampa tigekara iyekiri, araga yogare kaisanaga untuwe. Timoti iwaga kamana omogana Poro aꞌmu puntiye

⁶Pigoya, Timoti titate aꞌwae puma taeti ibanto kanamagina, timatitiꞌena agu kaoꞌenarikabeba aogi awaga kamanati ampa yegi abune. Tige tiganema yokiri, pabiyama tae tagakena pumagiri, taeka asi nasi napiyewema, yegi abune.

⁷We, taoꞌmitaba, tigeba aogi timatiti puma abeka taeba ago abune. Piꞌna esegi puratagi, tauki naki puma taekuruyena pompeꞌnapa asugasune.

⁸Piyama, Waꞌegawamati esegima atokaema miyigipa, abima taꞌmuntanabi mikune.

⁹Taeba tigekaba Kotirempa nkaobi tabera taꞌmu puritaune. Pi taꞌmuntanaba Kotiba pumaeyanoma tamemikawe.

¹⁰Piya, arape asenabipe taeba esegima nunamu yompepa, tigeti wama tiyowara agakena puma timatitiꞌena arosasanaga, pumaema esegi puritanema yune. Koti esegi puwaitanema Poro nunamu untiye

¹¹Pigoya, tabarempa Koti aewake, Waꞌega Isuge, isigewaisi kepa tayakisigi, tigeti wanema, yune.

¹²Pigoya, Waꞌegawama agu kaoꞌena puritaomesa puma, tigeba tiyokinaꞌmitibe aꞌyaꞌma kinaꞌmitibe pabiyama puwaitaiyo.

¹³Piya puwaitaigina, Waꞌegawama tigu esegi puritanema yune. Piya puritakiri, aintiba Waꞌega Isurempa Kotiti atokaenta kinaꞌwake tumikibi ntagaba, tigeba tabarempa Koti nkaobi kamana kampa utaritakiri aota mikibewe. Pika nunamu yune.