Read Fore 1 Timoti 4 Bible Online

1 Timoti 4 - Fore bible

1 Timoti 4

¹Pigoya, Awamusaꞌamaba maya uma aogima aboraye: Nagarikena yagaba agarosakanaba, kaꞌisa kinaꞌmiba amiyo puwaitakibi nkawamusapa aegaꞌma kewama kamanapa abima, imatitiꞌenawaipa ikabitakibewe, iye.

²Eya, kumpari kinaꞌmiba igeba aborama metoꞌena puma paibuwaitakibewe. Pi kumpari kinaꞌmi ntapiyenaba yaku tamisa pekini,

³igeba waya maekenaenaba akunkitamagini, kaꞌisa nanintaba: A-ntaiyoma, uwaitakibewe. We, Kotiba aeba tamatiti puma taga kamanaꞌwapa abompe kinaꞌmiteka pi ntanintaba aborantegi, taeba taꞌmu potama maema nakana kanarasakiye.

⁴Eya, aꞌyaꞌmaenaba Kotiba aogiyena pumarantine. Piya, taeba maema Kotiti taꞌmu potaompepa, pipa kaikenaenaba kampaye.

⁵Eya, Koti kamanaꞌamage nunamurempage aborama aota atagina aogi piye. Timoti yogara otanti kamanane

⁶Pigoya, pi yo kamanapa mono kina uwaimikibempepa, kaeba aogi Karaisiti Isu ntuga yagara mikibene. Eya, tamatiti kamanaꞌamabe aogi aegarampe mponoꞌamabe kaoꞌmaema esegi pugatakana anosakibene.

⁷Piya, kaeba iꞌni kamanape aꞌyugu amani kamanape kakabitamagina, Kotintanaba aegaꞌma puma miyo.

⁸Piya, tauꞌama ntuga pukenaenaba aeba aro ntagantoba taoꞌmaeye. We, Koti kanta puma mikenaenaba tabera taoꞌmaeye. Eya, pipa ibaba mampara taoꞌmaeyamikana, aintiba mantabinti to kakema taoꞌmaekiye.

⁹Pi kamanapa tagane. Aꞌyaꞌma kinapa abibebe pesinta kanara pesine.

¹⁰Piya, Koti kanta puma eꞌwasaena yaga mikenaga taeba araga ntugaba pune. Piya, taeba eꞌwasa Kotiti tamatiti puma utaratanti ntanagaba aobi pune. Eya, aeba aꞌyaꞌma kinaꞌmiteka tauꞌikena yugaba pumagina, aeti tamatiti pompe kinaꞌmite tauꞌikena yagarawe.

¹¹Kaeba pi yo kamanapa wawayapa uwaimima, puwaiyakegini aegaraiyo.

¹²Kaeba aogi yuga pekini, igeba kagapa: Masimabi miyenema, napimagini kageba a-mpaete tumiyo. We, aogi kamanakatasabe, mikenaenagatasabe, agu kaoꞌenagatasabe, kamatitiꞌenagatasabe, nare ntare puma mikenaenagatasabe, kepa mono kinapa aogima iꞌma iyako.

¹³Kaeba naobi puma mintanapa, akiyenabi mono kamanapa aisumagina, wasanaba mono uwaimimagina, kepa aogima iꞌiyako.

¹⁴Pigoya, pai monota kabiyume kinaꞌmiba poropete kinaꞌmi kamanapa aegaꞌma yogarapa iyapa kaꞌnota atauguna, Kotiba esegiyenaba kamintine. Pika a-nkuwasuwaba po.

¹⁵Aꞌyaꞌma yaga kaeba yogagata aogima kabima mima auꞌwapa aborakini, aꞌyaꞌma kinaꞌmiba kagaigina aogi pikiye.

¹⁶Piya, kaeka pempentanarapa aogima kabima mima, wasanaba puwaiyakikenaenarapa kabiyo. Eya, pikaba esegi yuga po. Piya pukibempepa, kaegape kae kamana abe kinaꞌmipe kaga tiꞌikenaenama nkauꞌwapa aborakibene.