Read Fore Iburu 6 Bible Online

Iburu 6 - Fore bible

Iburu 6

¹Pigoya, taeba marupa kaꞌisa Karaisiti nkaegarakena kamanapa abuntune. We, pi aintana kamanapa agasima to kaꞌisa kamanaꞌwapa abima amato puma anosano. Aꞌyugu asi nasiba nama kampa kinta, maruntana puyaba mikune. Eya, eꞌwasaenawa kampa waintaꞌenamakaba takabitama aꞌwae puma Kotiti tamatiti potakena kamanapa agasima, to kaꞌisa amato puma anosano.

²Eya, wani paiꞌitakena kamanape, iya nkiꞌnota atakena kamanape, purintapisa asikena kamanape, aꞌyigitatama antotaꞌena tamikena kamanape, agasima amato puma anosano.

³Piya, Koti abekana kanarasakapa, taeba pabiya pukune.

⁴Pigoya, kaꞌisa kina, eꞌwasaenayagaꞌena Kotitisa maeya kinaꞌmiba, igeba Kotintana ikabitamagini, to intara puma aꞌwae puma eꞌwasaena maeyanema pukibepa, pi kipa kampaye. Eya, mantabintisa iꞌmuntana imakagama Aota Awamusaꞌena punta kina, igetiba to aꞌwae pukena kipa kampa waintiye.

⁵Eya, igeba Koti kamanaꞌama nkaogiyenabe, ainti aborakibi nkesegiyenabe, imakagamagini,

⁶Kotintana ikabitapa, igetiba to igu aꞌwae pukena kipa kampa waintiye. Piya, igeba Koti Ntagaraba maripo yara to ka itaꞌatama wasanami nkiyobi ani pukena kamanapa otane. Pika igetiba to aꞌwae pukena kipa kampa waintiye.

⁷Piya, ka mara asi nasi ka tumegina, maema ago yagarama ntakenaba aogima aboragina, pi mpagaba Kotiba aꞌmu piye.

⁸Piya, maba akenaenabe kabuyenabe aboraipa, pipa uwa ma waiyekana, aro ntaganto pumirere potama, aintiba antota yaku kaegaikiye. Pipa wasanamiteti piyama aborakiye.

⁹We, tabugai ntaoꞌmitaba, ibaba tigeti kunta kamanapa yune. We, tigeba piya ataenaba kampa puma, tiꞌimaenama nkauꞌwapa aogima aborakibewema, napiyune.

¹⁰Piya, Kotiba antage yagaraba kampa mima, aogi yuga pekaba kampa ageguꞌaba piye. Kampaye. Tigeba aogi yuga puma Kotika agu kaoꞌena puma aeti atokaeya kinaꞌmi kayokayaꞌena pai puntiri, ibageba piginaba, kampa uwaba titakiye.

¹¹Pigoya, tigeba ka ka kinaꞌmita maya pusanaga tabiye. Tigeba Kotiti atokaekenaga esegima ntapima auꞌwapa aogima aborama wairite wama aꞌya pusanaga tabiye.

¹²We, tigeba uwasuwaba a-piyo. Piya, imatiti puma kampa uwasuwa punta kinaꞌmiba Koti nkutaratantintanaba maeyawe. Pi kinaꞌmi pesa, tigeba piyo. Koti utaratantintanama kamanane

¹³Pigoya, paipa Kotiba Abaraꞌamu kamana otantipa, Koti aeꞌwa nkagera uma esegi potantiye. Piya, to ka yagaramaba kampa asu agasogana Kotiba aeꞌwa nkagera uma esegi potamagina,

¹⁴maya omintiye: Naeba taga kauwe. Naeba naꞌmuntananepa aboragamekana, kayabamagi uwaena aborakibewema, omintiye.

¹⁵Aiyogana, Abaraꞌamuba antawamapa esegi potama kampa aekita puma paibuma mintanaba, aintiba otantintanaba maentine.

¹⁶Pigoya, wasanamiba asu againta kinaꞌmi nkigera kamanaꞌwaipa esegi pegina, pi kamana akayukenaenaba kampa waiye.

¹⁷Piya, Kotiba abugaogana utaratanti kinaꞌmiteti ae agera kamanaꞌwapa esegi puntine. Eya, aeba tara agi kampa napinta, untintanaba taga aboraramikiye.

¹⁸Piya, aeba kamana otamagina ae agera esegi potantine. Aibuntikana Kotiba kamanaꞌwapa kampa akayumagina, kumparipa kampa ukiye. Pika Kotiti taegaka uma kakaompe kinaꞌmitepa esegi purataka, uratantemintanaba arakuꞌma upebe puma esegi peno.

¹⁹Piya, Koti uratantintanaba, pipa taumaꞌama nkarakurikena igaꞌnawe. Pi nkigaꞌnarasa Koti mparuti, tabe kaiyama nkakaꞌi, asaerataye.

²⁰Pi mparuti Isuba paitaratama ubaiꞌma, Meyokisete ae tu mpima monota paitanta kiye yagararepa miyaba miye.