Read Fore Yemisi 4 Bible Online

Yemisi 4 - Fore bible

Yemisi 4

¹Pigoya, nanaraka maka puma kamaenaba tige tikapipa pewe, a. Piya, titipipa tigu iꞌnintana waintegiri, maꞌena yugaba pewe.

²Piya, tigeba tonaronaga tibugagiri, kampa maentiripa, wasana iyeguma kaiyewe. Tigeba tika puma kampa maentiripa, kamaena puma maꞌenaba pewe. We, tigeba Kotipa kampa esotamagiripa, kampa maeyawe.

³Piya, tigeba nunamu uwa yepa, kampa maeyawe. Tigeba kampa arupu puma tigu iꞌnintanaraka abigamagiri kampa maeyawe.

⁴We, tigeba atokaekenaenabisa atarakena kina mintawe. Piya, wasanamiba mampabisaenaga iyoꞌena peꞌnagiba Kotipa kama potawe. Pikaba kampa napiywea, a. Piya pumagina, wasanama mabisaenaga aoꞌena pukibipa, aeba Kotipa kama potakiye.

⁵We, mono isaꞌama maya iye: Koti tagupipa Awamusa atagina waiyemiꞌna, aeba: Tigeba naeꞌenarawe, uma tarakuꞌma kabirataye, iyegiri, tigeba anagiyenawema napiyewa, a.

⁶We, Kotiba iꞌnintanare nkasugaikena awagaenawapa tamegina, pika mono isaꞌamaba maya iye: Kotiba ipa maete iye kinapa kama puwaitama, ipa maete tume kinapa awagaenawapa imiye, iye.

⁷Piya, tigeba tintaba Koti nkamentapinti atama miyiyo. Tigeba keba aibasanaigina titate aegaka wano.

⁸Piya, tigeba Kotiti atokaeyigina, aegeba tigeti atokaeyano. Agunta kinaꞌmitaba, tiyantana puma iꞌnintanaripa agarubaiyo. Tara tigi napiyenarintaga kinaꞌmitaba, tigupa narentare piyo.

⁹Tigeba pai punta ntanagaba kunta puma iꞌnintanarika maegasima tintara pumagiri kubeꞌena puma kaite aogima miyiyo. Piya, paisa kagiyenarika kubeꞌena puma agarubakasiyo. Paisa tiꞌmuntanarika kuntaena puma agarubakasiyo.

¹⁰Eya, Waꞌegawama nkaobipa tipa maete tumigina, ae asiritano. Aꞌyugu kamana tiyoꞌmikaba a-nkuwaitaiyo

¹¹We, naoꞌmitaba, tigeba tiyoꞌmikaba ata kamanapa a-nkuwaitaiyo. Piya, kaꞌwaina aoꞌmakaba aupi pima ata kamana otaipa, aeba Koti nkago kamanakaba aupi pima ata kamana otaye. We, aeba pabiyama ago kamanakaba otaipa, kamana aegaranta yagara kampa miye. Kampaye. Aeba sasi yagara kanta puma miye. Pipa ataenawe.

¹²Piya, kaꞌwainanto taga sasi yagara mima ago kamanapa aborantipa, aewe. Eya, kaꞌisa iꞌintana to kaꞌisa igaikibipa, aewe. Piya pegina, kegabaya kaoꞌmakaba kamanapa otane, a. Kotika napima aꞌyaꞌma yugaba peno

¹³We: Ibabe aibe to ka kumati wama mone kutataka ka kabu ampima yogaba aꞌya peka uwaena mone maete kanakune, ye kinaꞌmitaba, urimekiri abiyo:

¹⁴Aikaba tigeba kampa abintawe. We, mikenaenaripa ayama miyewe. Piya, tigeba kunkawama pisa puma kiyaya puwakiye.

¹⁵Pika tigeba maya yigina kanarasano: Waꞌegawama nkabikaba, taeba taogama ma ntugawo, pi ntugawo, uma pukune, yiyo.

¹⁶We, nanagabaya tigeba paebuta nasima tipa maete iyewe. Wasana aeꞌwa nkau maete iyipa, pipa ataena piye.

¹⁷Eya, kaꞌwainaka aogiyena pukibintanaba kaiteginaba, aeba aguntaenaba piye.