Read Fulfulde 2 Samuyila 2 Bible Online

2 Samuyila 2 - Fulfulde bible

2 Samuyila 2

¹Ɓaawo kuuje ɗe'e Daawuda ƴami Jawmiraawo: “Mi yaha haa gootol nder berniiji Yahuuda na?” Jawmiraawo jaabi mo: “Ooho.” Daawuda ƴami: “Toy njahanmi?” O jaabi: “Haa Heburuun.”

²Daawuda yehi ton, kaŋko e rewɓe maako ɗiɗo, Ahino'am mo Yisre'el e Abigayel laatinooɗo debbo Nabal, mo Karmel.

³Daawuda yahri boo worɓe wonduɓe bee muuɗum fuu, koo moy bee saare muuɗum. Ɓe njooɗi nder gure Heburuun.

⁴Yimɓe Yahuuda ngari ton, moyti mo haa o laato laamiiɗo Yahuuda. Yahuudu'en mbi'i Daawuda: Yimɓe berniwol Yaabes nder lesdi Gile'at uwi Sawulu.

⁵O neli nelaaɓe haa maɓɓe, o wi'i ɓe: “On mbaɗani jaagorɗo mon Sawulu mbooɗeeŋga bee uwugo mo. Jawmiraawo barkiɗin on, waŋginan on mbooɗeeŋga e gooŋgaaku ngam ko on mbaɗi. Min boo mi woonanan on.

⁷Tiɗɗine ɓerɗe mon, cemmbiɗine juuɗe mon! Jaagorɗo mon Sawulu maayi, ammaa lenyol Yahuuda waɗi yam laamiiɗo mum.”

⁸Abineer ɓii Neer, mawɗo honooɓe Sawulu yahri Isboset ɓii Sawulu haa Mahanayim.

⁹Ton o waɗi mo laamiiɗo dow Gile'at e Aser e Yisre'el e Efrayim e Benyamin, waato dow Isra'iila fuu.

¹⁰Isboset woodi duuɓi cappanɗe nayi saa'i o laamo. O laami duuɓi ɗiɗi. Yimɓe Yahuuda tan tokki Daawuda.

¹¹O laamani ɓe haa Heburuun duuɓi joweeɗiɗi e lebbi joweego.

¹²Abineer e yimɓe Isboset ngurti Mahanayim yahugo Gibiyon.

¹³Yo'ab ɓii Seruyatu e yimɓe Daawuda boo njehi ton. Ɓe potti haa heeleewo Gibiyon. Yimɓe Daawuda njooɗi haa wakeere heeleewo nde'e, yimɓe Isboset boo haa wakeere ndeya.

¹⁴Abineer wi'i Yo'ab: “Accu sukaaɓe mbaɗana en fijirde konu.” Yo'ab jaɓi.

¹⁵Nden sukaaɓe ngurti, sappo e ɗiɗo haa wakeere Benyamin e Isboset, sappo e ɗiɗo boo haa wakeere Daawuda.

¹⁶Ɓe naŋngindiri ko'e maɓɓe, ɓe njuwnjuwtiri buttuli maɓɓe bee kaafaaje, ɓe maaydi ɓe fuu. Ɓaawoɗon nokkuure nde'e haa Gibiyon heɓi innde Helkat-Hasuriima[5].

¹⁷Nden haɓre ummi hakkunde jama'aaje ɗiɗi fuu, haɓre man saati masin. Yimɓe Daawuda njaali Abineer e yimɓe Isra'iila.

¹⁸Ɓiɓɓe Seruyatu tato ɓe'e fuu ɗon ton: Yo'ab e Abisay e Asa'el. Asa'el o jaawɗo bana lelwa.

¹⁹O taasni Abineer bee tiinaare ɗuuɗnde.

²⁰Abineer yeesiti, ƴami: “Ɗum an na, Asa'el?” O jaabi: “Ɗum min.”

²¹Abineer wi'i mo: “Accu taasnugo yam! Tokka gooto nder sukaaɓe, jaɓtu ko o mari fuu.” Ammaa Asa'el sali accugo mo.

²²Abineer reentini[6] mo fahin, wi'i: “Accu taasnugo yam. Useni taa doolam mbarugo ma!” Noy mi laardata deerɗiraawo ma Yo'ab ɓaawoɗon?

²³Ammaa Asa'el sali accugo mo. Ngam maajum Abineer yuwri mo ɓaawo ɓaawo haa reedu bee labbo haa ngo wurti gal ɓaawo maako. Ɗon nii Asa'el maayi, caalotooɗo fuu ɗon daro ton.

²⁴Ammaa Yo'ab e Abisay tokki taasnugo Abineer. Saa'i naaŋge ɗon muta, ɓe njotti towndiire Amma wonnde yeeso Giha, haa laawol ladde Gibiyon.

²⁵Yimɓe Benyamin mooɓti, ɓiɗɗotiri ɓaawo Abineer, ɓe ɗon ndari dow hoore towndiire man.

²⁶Abineer ewni Yo'ab: “A yiɗi kaafahi nattina yimɓe haa foroy na? Malla a anndaa no timmoode maajum hallirta? Ndey umrata yimɓe ma ɓe acca taasnugo banndiraaɓe muuɗum'en?”

²⁷Yo'ab wi'i: “Fakat bana Allah o geeto, to a wi'aayno ɗum, yimɓe am accataano taasnugo on haa jaŋngo fajiri.”

²⁸Nden o fuufi luwal konu. Yimɓe maako acci taasnugo Isra'iila'en, ɓe acci haɓre boo.

²⁹Jemmaare nde'e fuu Abineer e yimɓe mum ta'i nder Araba. Nden ɓe eeri maayo Urdun, ɓe caali lesdi Bituruna fuu, ɓe ngari haa Mahanayim.

³⁰Nde Yo'ab acci taasnugo ɓe, o mooɓti yimɓe maako. O tawi worɓe sappo e njoweenayo ngalaa ɗon, Asa'el boo walaaɗon,

³¹yimɓe Daawuda mbarino yimɓe Benyamin e yimɓe Abineer teemeɗɗe tato e cappanɗe njoweego (360).

³²Ɓe kooci ɓanndu Asa'el, ɓe uwi ndu haa Baytilaama nder yenaande baaba maako. Nden Yo'ab e yimɓe mum tokkitini jahaaŋgal muuɗum'en jemmaare fuu. Ɓe njotti Heburuun wakkati naaŋge ɗon fuɗa.