Read Fulfulde 1 Habaruuji Nyalaaɗe 27 Bible Online

1 Habaruuji Nyalaaɗe 27 - Fulfulde bible

1 Habaruuji Nyalaaɗe 27

¹Ndaa huuwanooɓe laamiiɗo Isra'iila'en fodde limle muuɗum'en, baaba-ci'e'en[20] e ardiiɓe dow honooɓe ujineere e ardiiɓe dow honooɓe teemerre e saraaki'en maɓɓe. Ɓe kuuwani laamiiɗo bee geɓe tokkindirɗe lewru lewru, lebbi hitaande fuu. Yeɓre koo ndeye woodi worɓe ujine noogas e nayo (24.000).

²Yasobo'am ɓii Zabdiyel woni hooreejo yeɓre arannde ngam lewru aranndu. Yeɓre maako woodi worɓe ujine noogas e nayo (24.000).

³O iwi haa danygol Peres, o hooreejo mawɓe honooɓe ngam lewru aranndu fuu.

⁴Dooday Ahohiijo woni hooreejo yeɓre ngam lewru ɗiɗaɓru. Mikilot woni ɗowoowo nder yeɓre Dooday. Yeɓre maako woodi worɓe ujine noogas e nayo (24.000).

⁵Benaya ɓii Yoyada limanjo, kaŋko woni mawɗo honooɓe dow yeɓre tataɓre ngam lewru tataɓru. Yeɓre maako woodi worɓe ujine noogas e nayo (24.000).

⁶Benaya oo woni gooto nder suusɓe cappanɗe tato, o hooreejo suusɓe cappanɗe tato man. Ɓiyiiko Ammizabat boo ɗon nder mooɓre man.

⁷Asa'el deerɗiraawo Yo'ab woni nayaɓo ngam lewru nayaɓru. Ɓaawo maako ɓiyiiko Zebadiya laati hooreejo. Yeɓre maako woodi worɓe ujine noogas e nayo (24.000).

⁸Hooreejo njowaɓo ngam lewru jowaɓru, Samahut Yisrahiijo. Yeɓre maako woodi worɓe ujine noogas e nayo (24.000).

⁹Iira ɓii Ikkes mo Teko'a woni njoweegoojo ngam lewru joweegooru. Yeɓre maako woodi worɓe ujine noogas e nayo (24.000).

¹⁰Heeles mo Pelon, goɗɗo lenyol Efrayim woni njoweeɗiɗaɓo ngam lewru joweeɗiɗaɓru. Yeɓre maako woodi worɓe ujine noogas e nayo (24.000).

¹¹Sibbekay Zaraajo mo Husa woni njoweetataɓo ngam lewru joweetataɓru. Yeɓre maako woodi worɓe ujine noogas e nayo (24.000).

¹²Abi'ezer Benyaminiijo mo Anatot woni njoweenayaɓo ngam lewru joweenayaɓru. Yeɓre maako woodi worɓe ujine noogas e nayo (24.000).

¹³Maharay Zaraajo mo Netofa woni sappoojo ngam lewru sappooru. Yeɓre maako woodi worɓe ujine noogas e nayo (24.000).

¹⁴Benaya Efrayimiijo mo Piraton woni sappo e go'oojo ngam lewru sappo e go'ooru. Yeɓre maako woodi worɓe ujine noogas e nayo (24.000).

¹⁵Helday mo Netofa, mo danygol Otniyel, woni sappo e ɗiɗaɓo ngam lewru sappo e ɗiɗaɓru. Yeɓre maako woodi worɓe ujine noogas e nayo (24.000).

¹⁶Ndaa ardiiɓe le'i Isra'iila: Eli'ezer ɓii Zikiri woni ardiiɗo yimɓe Ruben. Sefatiya ɓii Ma'aka ardi yimɓe Simon.

¹⁷Hasabiya ɓii Kemuwel ardi yimɓe Lewi. Cadok ardi yimɓe Haruna.

¹⁸Elihu deerɗiraawo Daawuda ardi yimɓe Yahuuda. Omiri ɓii Mika'iilu ardi yimɓe Issakar.

¹⁹Yisma'ya ɓii Obadiya ardi yimɓe Zabulon. Yerimot ɓii Asriyel ardi yimɓe Neftali.

²⁰Hose'a ɓii Azaziya ardi yimɓe Efrayim. Yo'el ɓii Pedaya ardi reeta lenyol Manassa.

²¹Iddo ɓii Zekariya ardi reeta lenyol Manassa nder Gile'at. Ya'asiyel ɓii Abineer ardi yimɓe Benyamin.

²²Azareyel ɓii Yeroham ardi yimɓe Dan. Kamɓe ngoni mawɓe le'i Isra'iila.

²³Daawuda limaay derke'en ɓe duuɓi muuɗum'en cikaay noogas tawon, ngam Jawmiraawo wi'no o ɗuɗɗinan Isra'iila'en bana koode asama.

²⁴Yo'ab ɓii Seruyatu fuɗɗuno limugo, ammaa o timminaay. Tikkere Jawmiraawo ukki dow Isra'iila ngam haala man. Limgal binndol maajum nastaay nder Deftere Habaruuji Nyalaaɗe nde Laamiiɗo Daawuda.

²⁵Azmawet ɓii Adiyel woni kaliifaajo dow ndesaaje laamiiɗo. Yonatan ɓii Uzziya woni kaliifaajo dow ndesaaje nder lesdi, waato nder berniiji e gure e cuuɗi towɗi cemmbiɗɗi.

²⁶Eziri ɓii Kelub woni mawɗo remooɓe gese.

²⁷Sim'i mo Rama woni kaliifaajo dow gese inabooje. Zabdi mo Sifam woni kaliifaajo dow nafuuda inabooje.

²⁸Ba'al-Hanan mo Geder woni kaliifaajo dow jaytunje e dundeeje nder lesdi towndiije. Yo'as woni kaliifaajo dow cigorɗi nebbam.

²⁹Siritay mo Saron woni kaliifaajo dow na'i duranɗi haa lesdi Saron. Safat ɓii Adilay woni kaliifaajo dow na'i duranɗi nder waadiiji.

³⁰Obil Isma'iiluujo woni kaliifaajo dow geelooɗi. Yehedeya mo Meronot halfitinaama bamɗe debbe.

³¹Yazizi Hagariijo woni kaliifaajo dow dammooji. Kamɓe fuu ɓe mawɓe aynooɓe marle laamiiɗo Daawuda.

³²Yonatan bappa Daawuda woni carwoowo, ngam o kakkilɗo, o binndoowo. Yehiyel ɓii Hakmoni ɗon wondi bee ɓikkoy laamiiɗo.

³³Ahitofel woni carwoowo laamiiɗo, Husay Arkiijo woni soobaajo laamiiɗo.

³⁴Ɓaawo maayde Ahitofel, Yoyada ɓii Benaya e Abiyatar laati sarwooɓe laamiiɗo. Yo'ab woni mawɗo honooɓe laamiiɗo.