Read Fulfulde 1 Habaruuji Nyalaaɗe 4 Bible Online

1 Habaruuji Nyalaaɗe 4 - Fulfulde bible

1 Habaruuji Nyalaaɗe 4

¹Ndaa danygol Yahuuda: Yahuuda danyi Peres, Peres danyi Hesruunu, Hesruunu danyi Karmi, Karmi danyi Huuru, Huuru danyi Sobal.

²Re'aya ɓii Sobal danyi Yahat, Yahat danyi Ahumay e Lahat. Ɗum ci'e Cor'ati'en.

³Ndaa danygol baaba Etam: Yisre'el e Yisma e Yidbas. Innde deerɗiraawo maɓɓe debbo boo, Hacalelponi.

⁴Nden Penuwel, baaba Gedor e Ezer, baaba Husa. Kamɓe ngoni ɓiɓɓe Huuru, afo Efratu, Huuru woni baaba Baytilaama boo.

⁵Askuru, baaba Teko'a woodi rewɓe ɗiɗo: Heleya e Na'ara.

⁶Na'ara danyani mo Ahujam e Hefer e Temni e Ahastaari. Kamɓe ngoni ɓiɓɓe Na'ara.

⁷Ɓiɓɓe Heleya boo: Seret e Cohar e Etanan.

⁸Koos danyi Anuba e Sobeba. Ci'e nder danygol Aharhel ɓii Harum boo iwi haa maako.

⁹Ya'bes heɓi tedduŋgal ɓuri deerɗiraaɓe muuɗum. Daada maako hokki mo innde Ya'bes ngam bee bone o danyiri mo.

¹⁰Ya'bes tori Allah Isra'iila, wi'i: “Barkiɗinam, yaajin maral am, juŋngo ma faddo yam, daaynanam sarru ngam taa mi yara bone!” Allah jaɓani mo ko o tori.

¹¹Kelub, deerɗiraawo Suha danyi Mehir, kaŋko woni baaba Eston.

¹²Eston danyi Bayti-Rafa e Paseha e Tehinna, baaba berniwol Nahas. Kamɓe ngoni yimɓe Reka.

¹³Ɓiɓɓe Kenas ngoni: Otniyel e Seraya. Ɓiɓɓe Otniyel boo: Hatat e Me'onotay.

¹⁴Me'onotay danyi Ofra. Seraya danyi Yo'ab, baaba Waadiwol-Sanaa'a, ngam ɓe waɗooɓe sanaa'a.

¹⁵Ɓiɓɓe Kaaleb ɓii Yefunna ngoni: Iiru e Ela e Na'am. Ɓii Ela boo, Kenas.

¹⁶Ɓiɓɓe Yehallelel ngoni: Zif e Zifa e Tiriya e Asariilu.

¹⁷Ɓiɓɓe Ejira ngoni: Yeter e Meret e Efer e Yalon. Meret ɓaŋgi Bitiya ɓii Firawna debbo, kaŋko o reedi, o danyi Mariyama e Sammay e Yisbak, baaba Estemo'a. Debbo maako Yahuuduujo boo danyi Yarat, baaba Gedor e Heber, baaba Soko e Yekutiyel, baaba Sanoha.

¹⁹Ɓiɓɓe debbo Hodiyya, deerɗiraawo Naham debbo ngoni: Baaba Ke'ila Garmiijo e Estemo'a Ma'akatiijo.

²⁰Ɓiɓɓe Simona ngoni: Amnon e Rimna e Ben-Hanan e Tilon. Ɓiɓɓe Yisi ngoni: Zohet e Ben-Zohet.

²¹Ɓiɓɓe Sela ɓii Yahuuda ngoni: Eer, baaba Leka e La'eda, baaba Maresa, non boo ci'e sannyooɓe limce ɗigguɗe haa Bayti-Asbeha.

²²Fahin Yokim e worɓe wuro Kojeba e Yo'as e Saraf, laamaniiɓe Mo'ab, ɓaawoɗon ɓe ngarti Yasubi-Lahem. Kuuje ɗe'e ɗe ɓooymaaje.

²³Kamɓe ɓe mahooɓe payanɗe, ɓe ɗon njooɗi haa Neta'im e Gedera, kommbi laamiiɗo, ɓe ɗon kuuwana ɗum.

²⁴Ɓiɓɓe Simeyon ngoni: Nemuwel e Yamin e Yariba e Zeraha e Sawulu.

²⁵Ɓii Sawulu, Sallum on. Ɓii Sallum boo, Mipsaam. Ɓii Mipsaam boo, Misma.

²⁶Danygol Misma boo: Misma danyi Hamuwel, Hamuwel danyi Zakkur, Zakkur danyi Sim'i.

²⁷Sim'i woodi ɓiɓɓe worɓe sappo e njoweego e ɓiɓɓe rewɓe njoweego. Ammaa deerɗiraaɓe maako fuu ngalaa ɓiɓɓe ɗuuɗɓe, yimɓe saare maɓɓe yottaaki limgal ɓiɓɓe Yahuuda.

²⁸Ɓe ɗon njooɗi haa Biirsaba e Molada e Hacar-Su'al.

²⁹Non boo haa Bilha e Esem e Tolat,

³⁰haa Betu'iila e Horma e Cikilak,

³¹haa Bayti-Markabot e Hacar-Susim e Bayti-Biri e Saarayim. Kanji ngonno berniiji maɓɓe diga Daawuda laamaaki tawon

³²bee gure maɓɓe. Etaam e Ayin e Rimmon e Token e Asan, berniiji jowi,

³³bee gure maɓɓe piltuɗe berniiji ɗi'i fuu, haa yotti Ba'al. Kanje ngoni joole maɓɓe, ɓe mbinndi boo deftere asli maɓɓe.

³⁴Mesobab e Yamlek e Yoosa ɓii Amasiya

³⁵e Yo'el e Yeehu, ɓii Yosibiya, ɓii Seraya, ɓii Asiyel

³⁶e Eliyo'enay e Yakoba e Yesohaya e Asaya e Adiyel e Yesimiyel e Benaya

³⁷e Ziza ɓii Sifi, ɓii Allon, ɓii Yedaya, ɓii Simiri, ɓii Sema'ya,

³⁸ɓe'e limtaaɓe innde innde laati ardiiɓe ci'e[3], ci'e maɓɓe ɗuuɗi masin.

³⁹Ngam maajum ɓe ndilli nastirde Gedor haa yotti fuunaaŋge waadiwol, haa ɓe ɗaɓɓita durduɗe ngam dammooji maɓɓe.

⁴⁰Ɓe keɓi durduɗe booɗɗe, nafooje, non boo lesdi njaasndi koo toy fuu bee de'ere e jam, ngam jooɗiiɓe ton naane ɓe danygol Haamu.

⁴¹Limtaaɓe innde innde go ngari nder zamanu Hezekiya, laamiiɗo Yahuuda, ɓe kalki laymaaji ɓeya e Me'uni'en jooɗiiɓe ton, ɓe nattini ɓe haa wargo hannde. Ɓe njooɗi haa pellel maɓɓe, ngam durduɗe ɗon ton ngam dammooji maɓɓe.

⁴²Woɗɓe nder yimɓe Simeyon, worɓe teemeɗɗe njowo njehi haa hooseere Se'ir. Pelatiya e Ne'ariya e Refaya e Uzziyel, ɓiɓɓe Yisi ardi ɓe.

⁴³Ɓe mbari daɗɓe Amaleki'en luttuɓe, nden ɓe njooɗi ton haa wargo hannde.