Read Fulfulde 2 Habaruuji Nyalaaɗe 12 Bible Online

2 Habaruuji Nyalaaɗe 12 - Fulfulde bible

2 Habaruuji Nyalaaɗe 12

¹Nde laamu Robo'am tabiti, baawɗe muuɗum boo ɓesdi, o acci tokkaago tawreeta Jawmiraawo, kaŋko e Isra'iila'en wonduɓe bee maako fuu.

²Nder nduuɓu laamiiɗo Robo'am njowaɓu, Sisak, laamiiɗo Misra wari hippugo Urusaliima, ngam ɓe ngewi umroore Jawmiraawo.

³O woodi mootaaji pucci ujineere e teemeɗɗe ɗiɗi (1.200) e wa'iiɓe pucci ujine cappanɗe njoweego (60.000). Yimɓe Libiya e Sukkot e Etiyopiya[17] ɗuuɗɓe masin ngardi bee Sisak diga Misra.

⁴O nyaami berniiji cemmbiɗɗi nder lesdi Yahuuda, haa o yotti Urusaliima.

⁵Annabi Sema'ya wari haa Robo'am e mawɓe Yahuuda, mooɓtiiɓe haa Urusaliima ngam daliila Sisak. Sema'ya wi'i ɓe: “Ndaa nii Jawmiraawo wi'i: Onon on acci yam, ngam maajum min boo mi acci on, mi yoofi on haa juŋngo Sisak.”

⁶Laamiiɗo e ardiiɓe ummaatoore leestini ko'e muuɗum'en, ɓe ceedi, ɓe mbi'i: “Jawmiraawo o adiliijo.”

⁷Jawmiraawo yi'i ɗum, wi'i Sema'ya: “Ɓe leestini ko'e maɓɓe. Ngam maajum mi halkataa ɓe. Yeeso seɗɗa kisnanmi ɓe. Mi ukkantaa Urusaliima tikkere am saatunde bee juŋngo Sisak.

⁸Ammaa ɓe laatoto maccuɓe maako, haa ɓe paama bana noy huuwango yam feerotiri bee huuwango laamuuji nder duniyaaru.”

⁹Sisak hippi Urusaliima. O hooci ndesaaje haa haykaliiru Jawmiraawo e ndesaaje saare laamu, o hooci kuuje fuu. O hooci boo bawarɗe kaŋŋeeri ɗe Suleymaanu waɗno.

¹⁰Haa pellel maaje, laamiiɗo Robo'am waɗi bawarɗe njamndi mboɗeeri. O halfini ɗe hoore'en doogari'en aynooɓe yolnde saare laamiiɗo.

¹¹Koo ndeye laamiiɗo nasti haykaliiru Jawmiraawo, doogari'en aynooɓe ɗon njogi bawarɗe man, nden ɓe lorna ɗe haa suudu aynooɓe.

¹²Robo'am leestini hoore mum. Ngam maajum Jawmiraawo acci tikkango mo, timminaay halkugo mo. Mbooɗeeŋga jinnaay tawon nder lesdi Yahuuda.

¹³Laamiiɗo Robo'am heɓti baawɗe nder Urusaliima, tokki laamaago. Saa'i o laatino laamiiɗo, o woodino duuɓi cappanɗe nayi e go'o. Duuɓi sappo e joweeɗiɗi o laami haa Urusaliima. Jawmiraawo suɓno berniwol ngo'ol nder le'i Isra'iila fuu ngam tabitingo innde mum ton. Innde daada Robo'am, Na'ama Ammooniijo.

¹⁴Robo'am waɗi kalluɗum, ngam o tiɗɗinaay ɓernde maako haa o ɗakkotira bee Jawmiraawo.

¹⁵Haala Robo'am diga fuɗɗoode haa timmoode, winndaama nder Habaruuji Annabi Sema'ya e Iddo, Gi'oowo, fodde deftere asli. Konu ɗonno hakkunde Robo'am bee Yerobo'am balɗe muuɗum'en fuu.

¹⁶Robo'am maayi, ɓe uwi mo nder Berniwol Daawuda. Ɓiyiiko Abiya laami haa pellel maako.