Read Fulfulde Nehemiya 11 Bible Online

Nehemiya 11 - Fulfulde bible

Nehemiya 11

¹Ardiiɓe ummaatoore njooɗi haa Urusaliima, luttuɓe boo mbaɗi kur'u ngam wurtingo gooto nder sappo, haa o jooɗo Urusaliima, berniwol ceniiŋgol, njoweenayo boo njooɗo nder gure goɗɗe.

²Yimɓe mbarkiɗini jaɓɓe jooɗaago haa Urusaliima bee ngiɗa muuɗum'en fuu.

³Ndaa inɗe ardiiɓe lesdi Yahuuda, jooɗiiɓe haa Urusaliima — ammaa Isra'iila'en woɗɓe e liman'en e Lewi'en e huuwooɓe kuuɗe pamare nder haykaliiru e yimɓe danygol jeyaaɓe Suleymaanu njooɗi nder gure Yahuuda, koo moy nder maral mum e nder wuro muuɗum —

⁴woɗɓe nder le'i Yahuuda e Benyamin njooɗi haa Urusaliima. Nder yimɓe Yahuuda, ɓe'e: Ataya ɓii Uzziya ɓii Zekariya ɓii Amariya ɓii Sefatiya ɓii Mahalaleel mo danygol Peres

⁵e Ma'aseya ɓii Baruku ɓii Kol-Hooze ɓii Hazaya ɓii Adaya ɓii Yoyaribu ɓii Zekariya Siloniijo.

⁶Ɓiɓɓe Peres, jooɗiiɓe haa Urusaliima fuu, worɓe suusɓe teemeɗɗe nayo e cappanɗe njoweego e njoweetato (468).

⁷Nder yimɓe Benyamin: Sallu ɓii Mesullam ɓii Yo'eda ɓii Pedaya ɓii Kolaya ɓii Ma'aseya ɓii Itiyel ɓii Yesa'ya

⁸e ɓaawo maako, Gabbay e Sallay, teemeɗɗe njoweenayo e noogas e njoweetato (928).

⁹Yo'el ɓii Zikiri woni kaliifaajo maɓɓe, Yahuuda ɓii Hassenuwa laati ɗiɗaɓo dow berniwol.

¹⁰Nder liman'en, ɓe'e: Yeda'ya ɓii Yoyaribu e Yakin

¹¹e Seraya ɓii Hilkiyya ɓii Mesullam ɓii Cadok ɓii Merayot ɓii Ahitooba, kaliifaajo haykaliiru Allah

¹²e deerɗiraaɓe muuɗum'en huuwooɓe kuugal nder haykaliiru, worɓe teemeɗɗe njoweetato e noogas e ɗiɗo (822). Non boo Adaya ɓii Yeroham ɓii Pelaliya ɓii Amci ɓii Zekariya ɓii Pashuuru ɓii Malkiya

¹³e deerɗiraaɓe muuɗum'en, baaba-ci'e'en[16] teemeɗɗe ɗiɗo e cappanɗe nayo e ɗiɗo (242). Non boo Amassay ɓii Azareyel ɓii Ahajay ɓii Mesillemot ɓii Immer

¹⁴e deerɗiraaɓe muuɗum'en honooɓe suusɓe teemerre e noogas e njoweetato (128). Zabdiyel ɓii Hagedolim woni kaliifaajo maɓɓe.

¹⁵Nder Lewi'en kamɓe ngoni: Sema'ya ɓii Hassuba ɓii Ajirikam ɓii Hasbiya ɓii Bunni

¹⁶e Sabbetay e Yozabat, ɓe ardiiɓe Lewi'en huuwooɓe yaasi haykaliiru Allah.

¹⁷Non boo Mattaniya ɓii Mika ɓii Zabdi ɓii Asaf, kaliifaajo maŋgtoore saa'i do'aare e Bakbukiya, ɗiɗaɓo caka deerɗiraaɓe maako nder kuugal man e Abda ɓii Sammu'a ɓii Galal ɓii Yedutuun.

¹⁸Limgal Lewi'en nder berniwol ceniiŋgol fuu waɗi teemeɗɗe ɗiɗo e cappanɗe njoweetato e nayo (284).

¹⁹Aynooɓe dammuɗe ngoni: Akkubu e Talmon e deerɗiraaɓe muuɗum'en aynooɓe dammuɗe, worɓe teemerre e cappanɗe njoweeɗiɗo e ɗiɗo (172).

²⁰Isra'iila'en luttuɓe e liman'en e Lewi'en njooɗi nder berniiji Yahuuda fuu, koo moy nder maral muuɗum.

²¹Huuwooɓe kuuɗe pamare nder haykaliiru njooɗi haa towndiire Ofel. Ciiha e Gispa ngoni ardiiɓe maɓɓe.

²²Uzzi ɓii Baani ɓii Hasabiya ɓii Mattaniya ɓii Mika woni kaliifaajo Lewi'en haa Urusaliima. O goɗɗo danygol Asaf, yimooɓe nder huuwooɓe haa haykaliiru Allah.

²³Woodino umroore laamiiɗo e anniya timmuka dow kuuɗe yimooɓe nyalaade fuu.

²⁴Petahiya ɓii Mesejabeyel mo danygol Zeraha ɓii Yahuuda woni dawranoowo laamiiɗo ngam haala ummaatoore fuu.

²⁵Yahuudu'en woɗɓe njooɗi nder gure caka gese muuɗum'en, haa berniwol Kiriyat-Arba e gure maagol, haa Dibon e gure maagol, haa Yekabceyel e kawyeeji maagol,

²⁶haa Yeesu'a e Molada e Bayti-Polet,

²⁷haa Hacar-Su'al, haa Biirsaba e gure maagol,

²⁸haa Cikilak, haa Mekona e gure maagol,

²⁹haa En-Rimmon e Car'a e Yarmut,

³⁰haa Zanoha e Adullam e kawyeeji maaji, haa Lakis e gese maagol, haa Azeka e gure maagol. Ɓe njooɗi diga Biirsaba haa yotti Waadiwol Hinnom.

³¹Yimɓe Benyamin njooɗi haa Geba e Mikmas e Ayya, haa Baytila e gure maagol,

³²haa Anatot e Noba e Ananiya,

³³haa Hacoor e Rama e Gittayim,

³⁴haa Hadida e Cebo'im e Neballat,

³⁵haa Lodo e Oono e nder waadiwol Waɗooɓe Sanaa'a.

³⁶Lewi'en woɗɓe nder geɓe Yahuuda ndilli haa lesdi Benyamin.