Read Fulfulde Ayuba 12 Bible Online

Ayuba 12 - Fulfulde bible

Ayuba 12

²Fakat, onon yimɓe, on ngoodi faamu, ammaa hikma fuu nattidan bee mooɗon!

³Ammaa min boo mi woodi hakkiilo bana mooɗon, mi sakkitittaako ɓaawo mooɗon boo. Ngam moy anndaa kuuje ɗe'e?

⁴Mi laatake mo sooba mum janci ɗum, mo ewni Allah haa o jaabo ɗum. Ɓe njanci adiliijo e timmuɗo!

⁵Mo nasti nder sarru, o jawniiɗo, koo moy koolɗiniiɗo ɗon numa bana non, mo kosɗe mum pergi, ɓe ndoflan ɗum.

⁶Laymaaji toonyooɓe ɗon tabiti, tikkinɓe Allah ɗon koolɗini, ɓe ɗon yikka ɓe mbaawti koo Allah boo.

⁷Ammaa, ƴam dabbaaji, ɗi paamtinte, ƴam colli les asama, ɗi ngeccete.

⁸Wolwan lesdi, ndi anndinte, wolwan liɗɗi nder maayo, ɗi mbi'ete.

⁹Kuuje ɗe'e fuu, Jawmiraawo tagi ɗe, tagefooji ɗi'i fuu anndi ɗum boo.

¹⁰Yoŋki geetum fuu ɗon haa juŋngo maako, non boo nafsu ɓiɓɓe Aadama fuu.

¹¹Naa kuugal nofru ɗum nanugo bolle? Naa kuugal hunnduko ɗum mettugo nyaamdu?

¹²Haa ndotti'en hikma tawete, hakkiilo boo haa nayeeɓe.

¹³Ammaa haa Allah hikma e baawɗe tawete, hakkiilo e sawari, kaŋko jeyi.

¹⁴O yibbinan, walaa mo mahititta. O maɓɓan goɗɗo, walaa mo maɓɓititta mo.

¹⁵To o haɗi iyeele, koo ɗume fuu yooran. To o yoofti ndiyam, ɗam wonnan lesdi.

¹⁶Haa maako tan semmbe e hikma fuu tawete, o mari majjinɗo e majjuɗo.

¹⁷O ɓortan dawrooɓe, o leesna ɓe, o waɗan hiitooɓe boo dulluɓe.

¹⁸Kaɓɓorli laamiiɓe, o fiistan ɗi, o taadan ɓe keeci bee ɓoggi ɗi'i.

¹⁹O ɓortan koo liman'en, leesna ɓe, dariiɓe, tabitɓe, o do'an ɓe.

²⁰O haɗan hoolaaɓe boo wolwugo, o ittanan ndotti'en faamu.

²¹O rufan yawaare dow mawɓe fuu, o fiɓtan taadorli semmbiɗɓe.

²²O sudditan lugguɗum nyiɓre, o wadda nyiɓre nyiɓɓunde haa jayŋgol.

²³O mawninan ummaatooje, o halkan ɗe. O yaajinan ummaatooje, o nattinan ɗe.

²⁴O laatinan mawɓe faataaɓe, nder ladde ferewnde ɓe ngiiloto.

²⁵Ɓe tefan bana wumɓe nder nyiɓɓuɗum, o yiilnan ɓe ton bana wuykuɓe.