Read Fulfulde Jabuura 19 Bible Online

Jabuura 19 - Fulfulde bible

Jabuura 19

¹Ngam kaliifaajo gime. Yimre Daawuda.

²Asamanji ɗon anndina tedduŋgal Allah, ɗi ɗon mbaŋgina kuugal juuɗe maako.

³Nyalawmaare ɗon wooyna ɗum nyalawmaare warannde, jemmaare boo ɗon faamtina ɗum jemmaare tokkotoonde.

⁴Walaa koŋngol, walaa bolle, sawtu maaje nanataake.

⁵Ammaa habaru maaje heewi lesɗe fuu, haala maaje yotti keeri duniyaaru. Allah waɗani naaŋge suudu laymaaru haa asamanji,

⁶nge wurtoto ndu bana sukaajo ɓaŋɗo wurtoto suudu mum, nge tokkoto laawol maage bee seyo bana konoowo cemmbiɗɗo.

⁷Nge fuɗan haa keerol asama ngo'ol, nge taaroto haa yotto ngola, walaa ko suuɗata haa nguli maage.

⁸Tawreeta Jawmiraawo ka timmuka, ka hesɗitinan yoŋki. Seedamku Jawmiraawo gooŋɗi, ngu laatinan paataaɗo hikmaajo.

⁹Sarɗiiji Jawmiraawo ɗi darnuɗi, ɗi ceynan ɓernde. Umroore Jawmiraawo laaɓi, feernan gite.

¹⁰Kulol Jawmiraawo laaɓi, ngol duumoto haa foroy. Kiitaaji Jawmiraawo ngooŋɗi, ɗi fuu ɗi adiliiji.

¹¹Ɗi ɓuri kaŋŋeeri saman, koo kaŋŋeeri cuɓaandi ɗuuɗndi boo. Ɗi ɓuri njumri welugo, koo njumri ɓurndi welugo boo.

¹²Min jaggiiɗo ma boo ɗi ndeentini yam, ɗowtanaago ɗi nafatam masin.

¹³Moy waawata anndugo boofi mum? Yaafanam hakkeeji am cuuɗiiɗi.

¹⁴Aynu jaggiiɗo ma diga mawnitaare, taa nde laamano yam. Nden kam mi laatoto timmuɗo, mi marataa aybewol maŋngol.

¹⁵Yerda bolle hunnduko am e numooji ɓernde am, yaa Jawmiraawo, an woni tapaare hisrude am, dimɗinoowo yam.