Read Fulfulde Jabuura 3 Bible Online

Jabuura 3 - Fulfulde bible

Jabuura 3

¹Yimre Daawuda saa'i o ɗonno dogga ɓiyiiko Absalom.

²Yaa Jawmiraawo, konne'en am ɗuuɗi, ɗuuɗɓe ɗon konammi.

³Ɗuuɗɓe ɗon mbolwa dow am, ɗon mbi'a: “Allah yiidataa mo!”

⁴Yaa Jawmiraawo, an woni wawarde[2] am, haa maaɗa tedduŋgal am woni, a seynatam.

⁵Mi ewni Jawmiraawo bee sawtu. Kaŋko boo o jaabi yam diga hooseere maako seniinde.

⁶Mi waalo, mi ɗaano, mi fina jam, ngam Jawmiraawo ɗon aynammi.

⁷Mi hulataa yimɓe ujineeje ujineeje taariiɓe yam koo toy fuu ngam honugo yam.

⁸Umma, yaa Jawmiraawo! Hisnam, yaa Allah am! An a yewan galaŋge konne'en am fuu, a yewan nyii'e halluɓe.

⁹Haa maaɗa kisndam woni, yaa Jawmiraawo, barka ma laatano ummaatoore ma!