Read Fulfulde Jabuura 32 Bible Online

Jabuura 32 - Fulfulde bible

Jabuura 32

¹Yimre Daawuda ekkitinoore. Seyo laatani goɗɗo mo Allah yaafake sooynde ɗowtaare mum e hakke mum fuu.

²Seyo laatani goɗɗo mo Jawmiraawo limanaay ɗum aybeeji mo naafikaare walaa haa ɓernde muuɗum.

³Yaake mi waŋginaayno hakkeeji am, i'e am ɗonno tampi daliila uumaali am nyalɗe fuu.

⁴Jemma e naaŋge fuu juŋngo ma teddani yam, semmbe am jinni bana ndiyam nder ceeɗu.

⁵Nden mi waŋginani ma hakke am, mi suuɗaay aybe am. Mi wi'i: “Sey mi waŋginana Jawmiraawo kuuɗe sooynde ɗowtaare am.” An boo a yaafani yam aybeeji am fuu.

⁶Ngam maajum, sey hoolaaɓe ma fuu toro ma nder wakkatiire haandunde. Koo to ndiyamji cemmbiɗɗi pacci, ɗi njottataako ɓe.

⁷An woni nyukkorde am, a faddatam e ɓillaare, a ɗon taarnammi bee gookaali seyo ngam a hisni yam.

⁸Jawmiraawo wi'i: “Mi ekkitinte e mi sappinte laawol ngol a tokkoto, mi ɗowete, mi aynete.

⁹Taa laate bana puccu malla alfadariire ɗum walaa faamu, ɗum ɗowtantaako ma, sonaa to a dooli ɗum bee labaŋgal e huuruure.”

¹⁰Halluɓe njaran boneeji ɗuuɗɗi, ammaa Jawmiraawo ɗon woonana kooliiɗo ɗum.

¹¹Ceyore Jawmiraawo, onon adili'en, onon laaɓa-ɓerɗe'en fuu, ngooke bee seyo!