Read Fulfulde Jabuura 48 Bible Online

Jabuura 48 - Fulfulde bible

Jabuura 48

¹Yimre nde ɓiɓɓe Koora.

²Jawmiraawo o mawɗo! O maŋgteteeɗo masin nder berniwol Allah men, dow hooseere maako seniinde!

³Towndiire nde'e wooɗi, nde ɗon seyna duniyaaru fuu. Ɗum hooseere Siyona gal woyla. Ɗum berniwol laamiiɗo mawɗo.

⁴Allah ɗon nder cuuɗi maagol cemmbiɗɗi Koo moy anndi o hisrude townde.

⁵Ndaa laamiiɓe kawti, ɓe njehi hippoyaago Siyona.

⁶Ɓe ndaari ngol, ɓe kayɗini, ɓe kultori, law ɓe ndoggi!

⁷Diwŋgol naŋngi ɓe ton, bana luuwe naŋngirta ɓesnanɗo.

⁸A fusan koommbooje Tarsis bee henndu fuunaaŋge.

⁹Bana ko en nanino, non en ngi'i ɗum nder berniwol Jawmiraawo honooɓe asama, nder berniwol Allah meeɗen. Allah tabitinan ngol haa foroy.

¹⁰Yaa Allah, nder haykaliiru ma min ɗon numta mbooɗeeŋga ma.

¹¹Yaa Allah, yimɓe ɗon maŋgte koo toy fuu. Innde ma anndaama haa keerol duniyaaru fuu, tum nyaamo ma ɗon waɗa kiita adiliiha.

¹²Hooseere Siyona ɗon seyo, nder gure Yahuuda boo ɓe ɗon ceyoro kiitaaji ma.

¹³Taare, ngiile nder berniwol Siyona, lime cuuɗi maagol towɗi,

¹⁴maande mahi taariiɗi ngol, linye cuuɗi maagol cemmbiɗɗi, ngam anndingo ɗum yidere warannde.

¹⁵Allah oo, o Allah meeɗen haa abada abadin, o ɗowan en haa yotto maayde!