Read Fulfulde Jabuura 5 Bible Online

Jabuura 5 - Fulfulde bible

Jabuura 5

¹Ngam kaliifaajo gime, bee ciide. Yimre Daawuda.

²Nan bolle am, yaa Jawmiraawo, hakkilan uumaali am!

³Heɗita gookaali am, an laamiiɗo am, Allah am, ngam an, mi tori!

⁴Fajiri a nanan sawtu am, yaa Jawmiraawo. Nde weeti fuu, mi waran yeeso ma bee tornde am, mi reenan jaawaabu ma.

⁵Naa a Allah mo yiɗi halleende, kalluɗo hoɗataa haa maaɗa.

⁶A jaɓataa mawnitiiɓe mbaŋga yeeso maaɗa, a ɗon wanya waɗooɓe zunuuba fuu.

⁷A halkan fewooɓe. Rufooɓe ƴiiƴam e faasiki'en, a ɗon wanya ɓe jamum.

⁸Ammaa min mi waawan nastugo suudu ma ngam daliila mbooɗeeŋga ma ɗuuɗŋga. Mi sujidan yeeso haykaliiru ma seniindu, mi teddinte.

⁹Yaa Jawmiraawo, ɗowam nder adilaaku ma! Ɗowam ngam daliila konne'en am! Mo'inanam laawol ma haa mi tokko ngol!

¹⁰Walaa gooŋga nder kunnduɗe maɓɓe, ɓerɗe maɓɓe ɗon keewi halleende, kondondi maɓɓe nanndi bee genaale maɓɓitiiɗe. Ɗemɗe maɓɓe ɗon mbolwa bolle belɗe, rikiciije.

¹¹Waŋgin ɓe aybuɓe, yaa Allah! Dabareeji maɓɓe ndo'a ɓe! Wudin ɓe ngam aybeeji maɓɓe ɗuuɗi, ngam ɓe tuurtani ma.

¹²Nden nyukkotooɓe haa ma fuu ceyoto, ɓe mbelmbeltan haa foroy, a faddoto ɓe, yiɗɓe innde ma fuu ceyoto ngam daliila maaɗa.

¹³Ngam an, yaa Jawmiraawo, a barkiɗinan adili'en. Mo'ere ma ɗon faddo ɓe bana wawarde[3] mawnde.