Read Fulfulde Jabuura 52 Bible Online

Jabuura 52 - Fulfulde bible

Jabuura 52

¹Ngam kaliifaajo gime. Yimre Daawuda ekkitinoore.

²O winndi nde ɓaawo Do'ek Edoomiijo yehi haa Sawulu, wi'i mo: Daawuda ɗon nder saare Ahimelek.

³Koni mantortooɗa halleende ma, an cuusɗo? Mbooɗeeŋga Allah ɗon koo ndey fuu.

⁴An naafikiijo, a ɗon haɓɓa dabareeji ngam halkugo woɗɓe, ɗemŋgal ma nanndi bee beluhi belnaaki.

⁵A ɓuri yiɗugo halleende dow mbooɗeeŋga, a ɓuri yiɗugo fewre dow gooŋga.

⁶A yiɗi wolwugo bolle bonnooje, a pewoowo!

⁷Ngam maajum Allah halkete haa foroy, o naŋngete, o wiftete diga suudu laymaaru ma, o ɗoofete diga lesdi yeeɗɓe.

⁸Adili'en ngi'an ɗum, kultoran. Ɓe njalete, ɓe mbi'an:

⁹“Ndaa goɗɗo mo laaraay Allah bana hisrude muuɗum, ammaa o hooli risku maako ɗuuɗŋgu, o tammi o semmbiɗi daliila halleende maako.”

¹⁰Ammaa min mi ɗon bana jaytunhi bilititki nder suudu Allah, mi ɗon hooli mbooɗeeŋga Allah haa foroy.

¹¹Mi maŋgtete haa foroy ngam ko mbaɗɗa. Mi ɗon tammoro innde ma ngam a booɗɗo heedi hoolaaɓe ma.