Read Fulfulde Jabuura 60 Bible Online

Jabuura 60 - Fulfulde bible

Jabuura 60

¹Ngam kaliifaajo gime fodde daande “gurguli seedamku”[30]. Yimre Daawuda ngam ekkitingo.

²O winndi nde ɓaawo o haɓi bee Siriya'en Mesopotamiya e Siriya'en Soba, nde Yo'ab mawɗo ardiiɓe sooje'en maako lori, mbari Edoomi'en ujine sappo e ɗiɗo nder Waadiwol Mannda.

³Yaa Allah, a wudini min, a saŋkiti min, a ɓernani min! Ammaa jonta lortana min!

⁴A dimmbini lesdi, a seeki ndi. Jonta maɓɓu ceekli maari, ngam ndi ɗon dimmbo.

⁵A holli yimɓe ma kuuɗe caatuɗe, a yarni min nguykinoojam ɗam liilni min.

⁶A darnani hulɓe ma tuutawal, ngam ɓe ndogga, ɓe kisa kuri konne'en maɓɓe,

⁷ngam haa yiɗaaɓe ma kisa! Hisnu min bee nyaamo ma!

⁸Allah wolwi nder haykaliiru mum seniindu, wi'i: “Mi jaaloto, mi senndan Sikem, mi foondan waadiwol Sukkot.

⁹Gile'at min jeyi, non boo Manassa, Efrayim woni hufneere am njamndiire, Yahuuda woni sawru laamu am.

¹⁰Mo'ab woni yiiworde am, mi sakkinan faɗo am dow lesdi Edoom, mi umminan gookaali dow Filistiya.

¹¹Moy yahratammi nder berniwol cemmbiɗŋgol? Moy ɗowatammi haa Edoom?”

¹²Yaa Allah, gooŋga a wudini min na? A acci wondugo bee jama'aaje konu amin na?

¹³Wallu min jaalaago konne'en amin! Ngam ballal yimɓe nafataa sam!

¹⁴To Allah ɗon wondi bee meeɗen, en keɓan jaalorgal, ngam kaŋko dammata konne'en meeɗen!