Read Fulfulde Jabuura 72 Bible Online

Jabuura 72 - Fulfulde bible

Jabuura 72

¹Yimre Suleymaanu. Yaa Allah, ekkitin laamiiɗo kiita ngooŋɗuka, hokku ɓii laamiiɗo oo adilaaku ma,

²haa o laamano yimɓe ma bee adilaaku, laafuɓe ma boo fodde kiita ngooŋɗuka.

³Sey kooseeje ngaddana ummaatooje salaaman, towndiije boo ngaddana ɗe adilaaku.

⁴Laamiiɗo gooŋɗina laafuɓe, hisna ɓilliiɓe, halka toonyooɓe.

⁵O yeeɗa[35] yaake naaŋge ɗon yayna bee lewru fuu, haa abada abadin.

⁶O laatano yimɓe bana iyeende dow durduɗe, bana waabiliije coofnanɗe lesdi.

⁷Gooŋgaaku ɓesdo nder balɗe maako, hayru boo tabita haa foroy.

⁸O laamoto diga mbeela haa mbeela, diga maayo Efratis haa yotto keeri duniyaaru.

⁹Jooɗiiɓe nder ladde tugganan mo koppi, konne'en maako tahan mbulwuldi.

¹⁰Laamiiɓe Tarsis e duuɗe mbeela neldan mo jomorgol, laamiiɓe lesɗe Saba e Seba ngaddanan mo dokke.

¹¹Laamiiɓe fuu cujidanan mo, ummaatooje fuu njagganto mo.

¹²O hisnan ɓilliiɗo gookananɗo mo, non boo laafuɗo mo walaa balloowo.

¹³O enɗan tampuɗo e ɓilliiɗo, o hisnan yoŋkiiji ɓilliiɓe.

¹⁴O rimɗinan ɓe diga toonyaare e ɓillaare, o samɗinan yoŋkiiji maɓɓe.

¹⁵Laamiiɗo yeeɗa haa foroy! Ɓe ndokka mo kaŋŋeeri lesdi Saba, ɓe ndo'ano mo koo ndey fuu, ɓe mbi'a Allah barkiɗina mo nyalaade fuu.

¹⁶Alkamaari ɗuuɗa nder lesdi, geereeje kooseeje keewa ƴaamle, ɗe ɗuuɗa bana dow hooseere Libanon. Yimɓe nder berniiji ɗuuɗa bana huɗo ladde.

¹⁷Innde maako tabita haa foroy, tedduŋgal innde maako duumo bana naaŋge. Yimɓe ummaatooje fuu laatoto barkiɗinaaɓe, ɓe mbi'a o barkiɗinaaɗo.

¹⁸Yettoore laatano Jawmiraawo mo Allah Isra'iila. Kaŋko feere maako ɗon waɗa kaayeefiiji.

¹⁹Maŋgtoore laatano innde maako teddunde haa foroy, duniyaaru fuu heewa tedduŋgal maako. Aamiina. Aamiina!

²⁰Kanjum woni timmoode do'aaje Daawuda ɓii Yessa.