Read Fulfulde Jabuura 8 Bible Online

Jabuura 8 - Fulfulde bible

Jabuura 8

¹Yimre Daawuda, ngam kaliifaajo gime fodde daande “gittit”.[6]

²Yaa Allah Jawmiraawo amin, innde ma nde mawnde masin dow lesdi fuu! Maŋngu ma ɓuri asamanji.

³Bee kunnduɗe ɓikkoy e musinankoy, a tabitini semmbe ma ngam daliila wanywanyɓe maaɗa, ngam je'ingo konne'en e waatooɓe.

⁴To mi ɗon laara asamanji, kuugal juuɗe ma, non boo lewru e koode ɗe njo'inɗa ton,

⁵kadi, neɗɗo o moy haa ciftora mo, moy woni ɓii-Aadama haa kakkilana mo?

⁶A waɗi mo mawɗo, sey an ɓuri mo. A ɓorni mo tedduŋgal e maŋngu.

⁷A laamini mo dow kuuɗe juuɗe ma, a wallini koo ɗume fuu les kosɗe maako:

⁸Dammooji e na'i, fuu hawtaade, non boo kuuje ladde,

⁹colli piiranɗi e liɗɗi e ko tokkoto laabi ndiyam nder beeli fuu.

¹⁰Yaa Allah Jawmiraawo amin, innde ma nde mawnde masin dow lesdi fuu!