Read Fulfulde Esaaya 31 Bible Online

Esaaya 31 - Fulfulde bible

Esaaya 31

¹Bone laatanto yahanɓe haa Misra ngam ɗaɓɓititgo ballal. Ɓe ɗon tuugo dow pucci, ɓe ɗon koolo mootaaji pucci Misra ngam ɗi ɗuuɗɗi e wa'iiɓe pucci ɓe'e ɓe semmbiɗɓe. Ammaa ɓe tijjataako heedi Ceniiɗo Isra'iila, ɓe ƴamataa Jawmiraawo.

²Ammaa kaŋko o hikmaajo, o waawan nelugo sarru, o hoositittaa bolle maako. O ummanto halluɓe, huuwanɓe zunuuba e wallooɓe ɓe fuu.

³Ngam Misra'en ɓe yimɓe, ɓe laataaki Allah. Pucci maɓɓe ɗum pucci tan, naa ruuhu. To Jawmiraawo forti juŋngo mum, balloowo fergoto, ballaaɗo do'oto, hawtaade maɓɓe ɓe kalkidan.

⁴Ndaa nii Jawmiraawo wi'i yam: “Bana mbarooga cemmbiɗŋga ubbirto dow keɓal muuɗum, koo to ɓe mooɓti waynaaɓe ɗuuɗɓe dow maaga, nga hultortaa gookaali maɓɓe, nga saklataako ngam hoolo maɓɓe, bana non min Jawmiraawo honooɓe asama mi jippoto ngam haɓugo dow hooseere Siyona.

⁵Min Jawmiraawo honooɓe asama mi aynan berniwol Urusaliima, bana colli leerirta dow ɓiɓɓe muuɗum'en. Mi aynan, mi hisnan, mi daaynan sarru, mi rimɗinan ngol.”

⁶Jawmiraawo wi'i: “Onon yimɓe Isra'iila, on ndokkiti yam ɓaawo, ammaa lorte haa am!

⁷Nyannde man koo moy mooɗon wudinan labbi mum ɗi cardi e ɗi kaŋŋeeri, ɗi on mbaɗani ko'e mooɗon bee juuɗe mon marɗe aybe.

⁸Assuura'en kalkan bee kaafahi ki laatanaaki neɗɗo. Kaafahi ki laatanaaki neɗɗo nyaaman ɓe. Ɓe ndoggan ngam daɗugo kaafahi, suka'en maɓɓe laatoto maccuɓe, huuwooɓe kuuɗe dooleeje.

⁹Paddoowo ɓe doggan ngam kulol, hoore'en maɓɓe boo kultoran, accan tuutawal maɓɓe.” Non Jawmiraawo wi'i, kaŋko mari yiite haa Siyona e ɓolinirde nder Urusaliima.