Read Fulfulde Farillaaji Lewi'en 12 Bible Online

Farillaaji Lewi'en 12 - Fulfulde bible

Farillaaji Lewi'en 12

¹Jawmiraawo umri Muusa,

²o wi'a Isra'iila'en ni'i: “To debbo danyi ɓiɗɗo gorko, o coɓɗo nyalɗe joweeɗiɗi, bana o coɓɗo saa'i lootgol maako.

³Nyannde joweetataɓre ɓe njuulna ɓiŋngel.

⁴Ɓaawo man debbo munya nyalɗe cappanɗe tati e tati, haa o laaɓa e ƴiiƴam maako. Taa o meema ceniiɗum koo ɗume, taa o wara haa suudu seniindu boo, sey to wakkati cenki maako timmi.

⁵Ammaa to o danyi ɓiɗɗo debbo, o coɓɗo asaweeje ɗiɗi, bana o coɓɗo saa'i lootgol maako. Ɓaawo man o munya nyalɗe cappanɗe joweego e joweego, haa o laaɓa e ƴiiƴam maako.

⁶To wakkati cenki maako timmi, ɓaawo o danyi ɓiɗɗo gorko malla debbo, sey o wadda jawgel guleteeŋgel ngel nduuɓu e poola malla poola masar kirseteeŋga ngam ittuki hakke. O hokka ɗum limanjo haa dammugal laymaaru fottirde.

⁷Kaŋko o lii'ano ɗum Jawmiraawo, o waɗana debbo ittuki coɓki maako, ngam o laaɓa e ilol ƴiiƴam maako. Kanjum woni umroore dow rewɓe ɓesnuɓe.

⁸To debbo waawaay heɓugo jawgel, nden kam o wadda pooli masar ɗiɗi malla pooloy ɗiɗoy, gootel guleteeŋgel, gootel boo kirseteeŋgel ngam ittuki hakke. Limanjo waɗana mo ittuki coɓki maako, ngam o laaɓa.”