Read Fulfulde Farillaaji Lewi'en 15 Bible Online

Farillaaji Lewi'en 15 - Fulfulde bible

Farillaaji Lewi'en 15

¹Jawmiraawo umri Muusa e Haruna,

²ɓe mbi'a Isra'iila'en ni'i: “To jakari goɗɗo ɗon ilna huunde, ilanɗum man soɓi.

³Koo to jakari ɗon ilna ɗum, koo to sukki, ɗum coɓɗum.

⁴Be'itte ɗe o waaloto dow mum e huunde nde o jooɗoto dow mum, soɓan.

⁵Koo moy meemi be'itte maako malla jooɗi dow huunde nde nyawɗo go jooɗino malla meemi ɓanndu maako, sey loota limce mum, yiiwo. Ammaa o nyallan o coɓɗo.

⁸To nyawɗo go tuuti tuuɗe dow goɗɗo laaɓɗo, sey goɗɗo man loota limce mum, yiiwo. Ammaa o nyallan o coɓɗo.

⁹To nyawɗo go jooɗi dow kirke, ɗe coɓan.

¹⁰Koo moy meemi huunde koo ndeye nde nyawɗo go jooɗi dow mum, soɓan haa kiikiiɗe. Koo moy efti huunde koo ndeye nde nyawɗo go jooɗi dow mum, sey loota limce mum, yiiwo. Ammaa o nyallan o coɓɗo.

¹¹To nyawɗo go meemi goɗɗo feere, to o aartaay lootugo juuɗe maako tawon, sey goɗɗo man loota limce mum, yiiwo. Ammaa o nyallan o coɓɗo.

¹²To nyawɗo go meemi fayannde loope, sey nde fuse. To o meemi le'al, sey ngal lalle.

¹³To nyawɗo go yamɗiti, ilol maako jinni, sey o reena nyalɗe joweeɗiɗi ngam laɓɓinki maako. Nden o loota limce maako, o yiiwo nder ndiyam seeɓoore, ngam o laaɓa.

¹⁴Nyannde joweetataɓre o hoo'a pooli masar ɗiɗi malla pooloy ɗiɗoy, o wara yeeso Jawmiraawo haa dammugal laymaaru fottirde, o hokka ɗi limanjo.

¹⁵Limanjo lii'o gootel kirseteeŋgel ngam ittuki hakke, gootel boo guleteeŋgel. Bana nii o heɓnirta mo yaafuye haa Jawmiraawo, o laɓɓinirta mo e ilol maako.

¹⁶To goɗɗo hoyɗitake, sey o yiiwo. Ammaa o nyallan o coɓɗo.

¹⁷Koo ɗume kuuwraaɗum bee limce malla laral, to mani toɓɓake dow man, sey o loota ɗum, ɗum nyallan ɗum coɓɗum.

¹⁸To gorko hawti bee debbo, mani wurtake, sey ɓe ngiiwo ɓe ɗiɗo fuu. Ammaa ɓe nyallan ɓe soɓɓe.

¹⁹Debbo kayloowo o coɓɗo nyalɗe joweeɗiɗi. Koo moy meemi mo, o nyallan o coɓɗo.

²⁰Be'itte maako malla huunde koo ndeye nde o jooɗi dow mum, soɓan.

²¹Koo moy meemi be'itte maako malla huunde nde debbo oo jooɗino dow mum, sey loota limce mum, yiiwo. Ammaa o nyallan o coɓɗo.

²³Koo moy meemi huunde waaliinde dow be'itte debbo oo malla dow joonde maako, o nyallan o coɓɗo.

²⁴To gorko hawti bee debbo kayloowo e to ƴiiƴam maako man ili meemi gorko, gorko oo soɓan nyalɗe joweeɗiɗi. Non boo be'itte ɗe o waaloto dow mum, soɓan.

²⁵To ƴiiƴam debbo ili nyalɗe ɗuuɗɗe ɓaawo lootgol maako, nden kam o coɓɗo balɗe ƴiiƴam maako ilata fuu. O coɓɗo boo to lootgol maako duuri haa saali wakkati man bana yaake lootgol man non.

²⁶Be'itte ɗe o waaloto dow mum e huunde nde o jooɗoto dow mum, ɗum coɓɗum balɗe man fuu bana yaake lootgol man.

²⁷Koo moy meemi ɗe, soɓan. Sey o loota limce maako, o yiiwo. Ammaa o nyallan o coɓɗo.

²⁸To ƴiiƴam debbo acci ilugo, sey o reena nyalɗe joweeɗiɗi, ɓaawo man o laaɓan.

²⁹Nyannde joweetataɓre o hoo'a pooli masar ɗiɗi malla pooloy ɗiɗoy, o yahra ɗi haa limanjo haa dammugal laymaaru fottirde.

³⁰Limanjo lii'o gootel kirseteeŋgel ngam ittuki hakke, gootel boo guleteeŋgel. Bana non o heɓnirta mo yaafuye haa Jawmiraawo, o laɓɓinirta mo e coɓki ilol maako.

³¹Onon Muusa e Haruna, ndaayne Isra'iila'en bee jooɗorde am wonnde caka maɓɓe saa'i ɓe soɓɓe, ngam taa ɓe coɓna nde. To naa non, ɓe maayan.

³²Kanjum woni umrooje dow gorko marɗo nyawu ilnoowu e coɓɗo bee koyɗitaaki

³³e debbo kayloowo e gorko malla debbo marɗo ilol e gorko baaldanɗo bee debbo coɓɗo.”