Read Fulfulde Farillaaji Lewi'en 21 Bible Online

Farillaaji Lewi'en 21 - Fulfulde bible

Farillaaji Lewi'en 21

¹Jawmiraawo umri Muusa, o wi'a liman'en danygol Haruna ni'i: “Taa goɗɗo limanjo soɓna hoore mum bee maayɗo jama'aare mum,

²sonaa to ɗum daada maako malla baaba maako malla ɓiyiiko gorko malla ɓiyiiko debbo malla deerɗiiko gorko,

³malla deerɗiiko debbo jooɗiiɗo haa saare maako, mo te'aaka tawon.

⁴Taa o soɓna hoore maako, ngam o hooreejo caka banndiraaɓe maako, ngam taa o wonna senaare maako.

⁵Taa liman'en pemmba ko'e mum'en, taa ɓe ta'a bakkuɗe maɓɓe, taa ɓe ƴara ɓalli maɓɓe boo.

⁶Sey ɓe laato senaaɓe ngam am, taa ɓe coɓna innde am. Ɓe ɗon lii'ano yam guleteeɗi e dokke nyaamdu, ngam man ɓe laato seniiɓe.

⁷Taa limanjo te'a debbo daakaareejo malla toskaaɗo malla ceeraaɗo. Ngam limanjo o cenaaɗo ngam Allah maako.

⁸Sey yimɓe fuu ndaara limanjo bana ceniiɗo, ngam o ɗon lii'ano yam dokke nyaamdu. Min Jawmiraawo mi ceniiɗo, mi cenoowo yimɓe am boo.

⁹To ɓii limanjo debbo laati daakaareejo, o toskini baaba maako, sey o wule bee yiite.

¹⁰Hooreejo liman'en moytaaɗo hoore bee nebbam cenirɗam, kalfitinaaɗo limanku bee ɓornugo mo limce ceniiɗe, taa o yoofa gaasa hoore maako, taa o seeka limce maako boo ngam woyugo maayɗo.

¹¹Taa o wurto suudu am seniindu ngam o nasta suudu ndu maayɗo woni e mum, koo to ɗum baaba maako malla daada maako. O cenaaɗo ngam am bee nebbam cenirɗam. Ngam man taa o soɓna hoore maako bee maayɗo koo moye, ngam taa o soɓna suudu am seniindu, Min woni Jawmiraawo.

¹³Sey o te'a paanyo debbo mo meeɗaay anndugo gorko tawon.

¹⁴Taa o te'a debbo mo gorum maayi malla ceeraaɗo malla daakaareejo, sey paanyo mo meeɗaay anndugo gorko tawon, mo jama'aare maako boo.

¹⁵To naa non, o soɓnan danygol maako. Min Jawmiraawo mi seni mo.”

¹⁶Jawmiraawo umri Muusa,

¹⁷o wi'a Haruna ni'i: “To goɗɗo danygol ma woodi jiija koo kaye haa ɓanndu, taa o lii'ano yam dokkal nyaamdu. Ɗum laatano gide mon fuu umroore haa foroy.

¹⁸Walaa marɗo jiija haa ɓanndu lii'anto yam dokkal nyaamdu, walaa bumɗo malla boosɗo malla seeka-hundukoojo malla marɗo tergal gootal juutŋgal

¹⁹malla mo kosŋgal mum yewi malla mo juŋngo mum yewi

²⁰malla ƴukko malla maajuujuujo malla marɗo ndaneeri yiitere malla marɗo gaaye cewɗe malla saɗawre feere malla waraaɗo boo.

²¹To goɗɗo danygol Haruna limanjo woodi jiija koo kaye haa ɓanndu, taa o lii'ano yam dokkal nyaamdu.

²²O nyaaman dokke lii'anteeɗe yam, waato nyaamdu seniindu e nyaamdu ɓurndu senaago.

²³Ammaa taa o ɓadito wiirndallo nder suudu am koo hirsirde boo, ngam o woodi jiija haa ɓanndu. Taa o soɓna kuuje am ceniiɗe, ngam min woni Jawmiraawo cenoowo ɗe.”

²⁴Muusa yecci ɗum Haruna e ɓiɓɓe Haruna e Isra'iila'en fuu.