Read Fulfulde Yonas 2 Bible Online

Yonas 2 - Fulfulde bible

Yonas 2

¹Jawmiraawo umri liiŋgu maŋngu, ngu moɗi Yonas. Yonas waɗi nder reedu liiŋgu ngu'u nyalawmaaje tati e jemmaaje tati.

²Nder reedu liiŋgu, o tori Allah Jawmiraawo,

³o wi'i: “Nder ɓillaare am mi tori ma, yaa Jawmiraawo, an boo a jaabi yam. Nder reedu joonde maayɓe ewniimi, an a nani tornde am.

⁴A sakkini yam nder reedu mbeela, haa nokkuure ɓurnde luggugo, ndiyam taari yam. Ƴuuge ma e ilamji ma fuu caali dow am.

⁵Mi numi a wudini yam, a riiwi yam yeeso maaɗa. Ammaa mi tokkoto laarugo gal haykaliiru ma seniindu.

⁶Ndiyamji njotti daande am. Seɗɗa mbeela moɗa yam, nyiɓre luggeeŋga mbeela suddi yam, huɗo mbeela taari hoore am.

⁷Haa caɓɓaaje kooseeje ndo'iimi, jamɗe palduɗe lesdi maɓɓi dow am haa foroy. Ammaa a wurtini yoŋki am diga halkere, yaa Allah Jawmiraawo am.

⁸Nde yoŋki am tampi nder am, mi siftori ma. Tornde am yotti ma nder haykaliiru ma seniindu.

⁹Hakkilanooɓe labbi meereeji acci gooŋgaaku maɓɓe heedi ma.

¹⁰Ammaa min mi lii'ante kirseteeɗi, bee gime gettooje. Mi hokkan ko togiimi. Kisndam ɗon haa Jawmiraawo!”

¹¹Nden Jawmiraawo umri liiŋgu go, ngu tuuti Yonas haa lesdi.