Read Fulfulde Limle 2 Bible Online

Limle 2 - Fulfulde bible

Limle 2

¹Jawmiraawo wi'i Muusa e Haruna:

²“Isra'iila'en caŋnginan koo moy baŋnge tuutawal yeɓre mum, les alaama saare mum. Saŋngeere taaro laymaaru fottirde, tiitotira bee maare.

³Caŋnginanɓe haa fuunaaŋge ngonan les tuutawal yeɓre Yahuuda, fodde mooɓe konu muuɗum'en bana ni'i: Nahasunu ɓii Amminadabu ɗowa lenyol Yahuuda.

⁴Limgal honooɓe maagol waɗi ujine cappanɗe njoweeɗiɗo e nayo e teemeɗɗe njoweego (74.600).

⁵Lenyol Issakar saŋngina kommbi maɓɓe. Netaneyel ɓii Cu'ar ɗowa ngol.

⁶Limgal honooɓe maagol waɗi ujine cappanɗe njowo e nayo e teemeɗɗe nayo (54.400).

⁷Nden lenyol Zabulon tokkoto. Eliyabu ɓii Helon ɗowa ngol.

⁸Limgal honooɓe maagol waɗi ujine cappanɗe njowo e njoweeɗiɗo e teemeɗɗe nayo (57.400).

⁹Limgal honooɓe winndaaɓe haa yeɓre Yahuuda fuu waɗi ujine teemerre e cappanɗe njoweetato e njoweego e teemeɗɗe nayo (186.400). Kamɓe ardoto nder jahaale.

¹⁰Haa fombina, yeɓre Ruben saŋngina les tuutawal mum, fodde mooɓe konu maare. Elicuru ɓii Sedewur ɗowa lenyol Ruben.

¹¹Limgal honooɓe maagol waɗi ujine cappanɗe nayo e njoweego e teemeɗɗe njowo (46.500).

¹²Lenyol Simeyon tokkoto. Selumiyel ɓii Curisadday ɗowa ngol.

¹³Limgal honooɓe maagol waɗi ujine cappanɗe njowo e njoweenayo e teemeɗɗe tato (59.300).

¹⁴Nden lenyol Gada tokkoto. Eliyasaf ɓii Re'uwel ɗowa ngol.

¹⁵Limgal honooɓe maagol waɗi ujine cappanɗe nayo e njowo e teemeɗɗe njoweego e cappanɗe njowo (45.650).

¹⁶Limgal honooɓe winndaaɓe haa yeɓre Ruben fuu waɗi ujine teemerre e cappanɗe njowo e ngo'o e teemeɗɗe nayo e cappanɗe njowo (151.450). Yeɓre Ruben woni ɗiɗawre nder jahaale.

¹⁷Ɓaawoɗon Lewi'en tokkoto nder jahaale, ɓe ndoondoto laymaaru fottirde. Ɓe tokkindiran bana no ɓe tammi saŋngingo boo, koo moy nder yeɓre mum, fodde tuutawal mum.

¹⁸Haa hiirnaaŋge, yeɓre Efrayim saŋngina les tuutawal mum, fodde mooɓe konu mum: Eliisama ɓii Ammihudu ɗowa lenyol Efrayim.

¹⁹Limgal honooɓe maagol waɗi ujine cappanɗe nayo e teemeɗɗe njowo (40.500).

²⁰Lenyol Manassa ɗon kommbi lenyol Efrayim. Gamaliyel ɓii Pedacuru ɗowa ngol.

²¹Limgal honooɓe maagol waɗi ujine cappanɗe tato e ɗiɗo e teemeɗɗe ɗiɗo (32.200).

²²Nden lenyol Benyamin tokkoto. Abidan ɓii Gidi'oni ɗowa ngol.

²³Limgal honooɓe maagol waɗi ujine cappanɗe tato e njowo e teemeɗɗe nayo (35.400).

²⁴Limgal honooɓe winndaaɓe haa saŋngeere Efrayim fuu waɗi ujine teemerre e njoweetato e teemerre (108.100). Yeɓre Efrayim woni tataɓre nder jahaale.

²⁵Haa woyla boo, yeɓre Dan saŋngina les tuutawal mum, fodde mooɓe konu mum. Ahi'ezer ɓii Ammisadday ɗowa lenyol Dan.

²⁶Limgal honooɓe maagol waɗi ujine cappanɗe njoweego e ɗiɗo e teemeɗɗe njoweeɗiɗo (62.700).

²⁷Lenyol Aser boo saŋngina kommbi lenyol Dan. Pagiyel ɓii Okran ɗowa ngol.

²⁸Honooɓe maagol waɗi ujine cappanɗe nayo e ngo'o e teemeɗɗe njowo (41.500).

²⁹Nden lenyol Neftali tokkoto. Ahiira ɓii Enan ɗowa ngol.

³⁰Honooɓe maagol waɗi ujine cappanɗe njowo e tato e teemeɗɗe nayo (53.400).

³¹Limgal winndaaɓe haa saŋngeere Dan fuu waɗi ujine teemerre e cappanɗe njowo e njoweeɗiɗo e teemeɗɗe njoweego (157.600). Ɓe cakititto nder jahaale, koo moy fodde tuutawal yeɓre mum.”

³²Kamɓe ngoni Isra'iila'en limaaɓe fodde ci'e muuɗum'en. Limgal honooɓe fuu waɗi ujine teemeɗɗe njoweego e tato e teemeɗɗe njowo e cappanɗe njowo (603.550).

³³Ammaa Lewi'en limaaka caka Isra'iila'en, bana Jawmiraawo umruno Muusa.

³⁴Isra'iila'en mbaɗi kal-kal bana Jawmiraawo umruno Muusa fuu. Ɓe caŋngini, koo moy baŋnge tuutawal mum, ɓe mbaɗi jahaaŋgal fodde asli maɓɓe e ci'e maɓɓe.