Read Fulfulde Limle 4 Bible Online

Limle 4 - Fulfulde bible

Limle 4

²“Lime danygol Kehat caka Lewi'en fuu, fodde asli muuɗum'en e ci'e[3] muuɗum'en,

³lime koo moy mo duuɓi cappanɗe tati haa yotto cappanɗe jowi, waawanɓe huuwugo haa laymaaru fottirde fuu.

⁴Ndaa kuugal Kehati'en haa laymaaru fottirde: Ɓe halfitinaaɓe kuuje ɓurɗe senaago.

⁵To jama'aare ɗon ummo fuu, sey Haruna e ɓiɓɓe mum ngara piista wiirndallo, ɓe cuddira sundukru seedamku alkawal.

⁶Ɓe mbe'ita dow maago suddaare lare liɗɗi mawɗi, ɓaawoɗon ɓe cudda ɗum fuu bee suddaare sarwinaande. Nden ɓe nastina cabbi eftirɗi sundukru.

⁷Ɓe mbe'ita suddaare sarwinaande dow taabal tamseeje. Ɓe njo'ina dow maaje taasaaje e taasahoy e jarduɗe e bulki ngam dokke dufeteeɗe, ɓe acca tamseeje dow taabal boo tum.

⁸Ɓe mbe'ita godoore woɗeere dow kuuje ɗe'e, ɓaawoɗon ɓe cudda ɗum bee suddaare lare liɗɗi mawɗi. Nden ɓe nastina cabbi eftirɗi taabal man.

⁹Ɓe koo'a suddaare sarwinaande, ɓe cuddira jo'inirɗum pittirlaaji e pittirlaaji e mekefje e pehe ndoondi e paali nebbam ngam kuugal liman'en.

¹⁰Ɓe caawa kuuwruɗe ɗe'e fuu nder suddaare lare liɗɗi mawɗi, ɓe mballina ɗum dow naasiwo.

¹¹Ɓe mbe'ita suddaare sarwinaande dow gulduɗum uurle kaŋŋeeri, ɓe cudda ɗum bee suddaare lare liɗɗi mawɗi. Ɓe nastina cabbi eftirɗi gulduɗum man.

¹²Ɓe koo'a kuuwruɗe hirsirde, ɓe caawa ɗe nder suddaare sarwinaande, ɓe mbe'ita suddaare lare liɗɗi mawɗi dow man, ɓe mballina ɗe dow naasiwo.

¹³Nden ɓe itta ndoondi ɓellere dow hirsirde, ɓe mbe'ita limce boɗeeje dow maare.

¹⁴Ɓe mballina kuuwruɗe hirsirde dow maare, waato pehe uurorɗe, tufirɗe, doonyirɗe e kuuwruɗe gulduɗum uurle fuu. Dow maajum ɓe mbe'ita suddaare lare liɗɗi mawɗi. Nden ɓe nastina cabbi eftirɗi hirsirde man.

¹⁵To Haruna e ɓiɓɓe mum timmini suddugo hirsirde e kuuwruɗe maare fuu, ɓiɓɓe Kehat ngara ndoondo ɗum, to ummaatoore ɗon ummo. Ammaa ɓe meemataa hirsirde, ngam to ɓe meemi, ɓe maayan. Kanjum woni kuugal Kehati'en haa laymaaru fottirde.”

¹⁶Eli'azaaru ɓii Haruna limanjo halfitinaama aynol nebbam pittirlaaji e uurle e dokke nyaamdu kala nyalaade fuu non boo nebbam cenirɗam. O aynan boo jooɗorde e hirsirde e kuuwruɗe maare.

¹⁷Jawmiraawo wi'i Muusa e Haruna:

¹⁸“Taa ngurtine ci'e Kehati'en diga Lewi'en.

¹⁹Ndaa ko mbaɗoton ngam maɓɓe haa ɓe ngeeɗa, taa ɓe maaya saa'i ɓe ɓadititto kuuje ɓurɗe senaago: Haruna e ɓiɓɓe mum ngara, ndarna koo moy maɓɓe nder kuugal mum e ko o tammi roondaago.

²⁰Taa ɓe nasta koo ngam wakkati seɗɗa ngam laaroygo kuuje ceniiɗe ɗe'e, ngam to ɓe nasti ɓe maayan.”

²¹Jawmiraawo wi'i Muusa:

²²“Lim danygol Gerson caka Lewi'en, fodde asli muuɗum'en e fodde ci'e muuɗum'en,

²³lim koo moy mo duuɓi cappanɗe tati haa yotto cappanɗe jowi, waawanɓe huuwugo haa laymaaru fottirde.

²⁴Ndaa kuugal ci'e Gersoni'en e ko ɗe ndoondoto:

²⁵Godooje jooɗorde e laymaaru fottirde e suddaare maaru e suddaare lare liɗɗi mawɗi ɗiɗawre e wiirndallo haa nastirde laymaaru fottirde,

²⁶non boo wiirndallooji daldal e wiirndallo haa nastirde daldal taariiŋgal jooɗorde e gulduɗum uurle e ɓoggi man e kuuwruɗe man fuu. Ɓe mbaɗa ko haani ngam kuuje ɗe'e.

²⁷Kuugal Gersoni'en, ko ɓe ndoondoto e ko ɓe kuuwata fuu waɗete dow umroore Haruna e ɓiɓɓe mum. On kalfitinan ɓe ko ɓe tammi roondaago fuu.

²⁸Kanjum woni kuugal ci'e Gersoni'en haa laymaaru fottirde. Ɓe kuuwa ngal dow ardaaŋgal Itamar ɓii Haruna limanjo.”

²⁹“Danygol Meraari boo, lim ɓe fodde asli maɓɓe e ci'e maɓɓe,

³⁰lim koo moy mo duuɓi cappanɗe tati haa yotto cappanɗe jowi, baawanɗo huuwugo haa laymaaru fottirde.

³¹Ndaa kuugal maɓɓe nder laymaaru fottirde: Roondaago kaataakooje jooɗorde, leɗɗe gaafotooɗe e daŋraŋge bee kosɗe maaje,

³²non boo daŋraŋge daldal bee kosɗe e tiggirɗe e ɓoggi man e kuuwruɗum maaje fuu e kuuje kuugal maɓɓe fuu. Sey on mbinnda innde e ko koo moy tammi roondaago.

³³Kanjum woni kuugal ci'e Meraari'en haa laymaaru fottirde. Ɓe kuuwa ngal dow ardaaŋgal Itamar ɓii Haruna limanjo.”

³⁴Muusa e Haruna e ardiiɓe jama'aare limi Kehati'en fodde asli muuɗum'en e ci'e muuɗum'en:

³⁵Worɓe ɓe duuɓi cappanɗe tati haa yotto cappanɗe jowi, tammiiɓe huuwugo haa laymaaru fottirde,

³⁶ɗon ujine ɗiɗo e teemeɗɗe njoweeɗiɗo e cappanɗe njowo (2.750).

³⁷Ɗo woni limgal ci'e Kehati'en huuwanɓe nder laymaaru fottirde, ɓe Muusa e Haruna limi fodde umroore nde Jawmiraawo umri Muusa.

³⁸Gersoni'en boo limaama fodde asli muuɗum'en e ci'e muuɗum'en: Worɓe marɓe duuɓi cappanɗe tati haa yotto cappanɗe jowi, tammiiɓe huuwugo haa laymaaru fottirde, limgal maɓɓe waɗi ujine ɗiɗo e teemeɗɗe joweego e cappanɗe tato (2.630).

³⁹

⁴⁰

⁴¹Kamɓe ngoni Gersoni'en tammiiɓe huuwugo haa laymaaru fottirde ɓe Muusa e Haruna limi fodde umroore Jawmiraawo.

⁴²Meraari'en boo limaama fodde asli muuɗum'en e ci'e muuɗum'en:

⁴³Worɓe ɓe duuɓi cappanɗe tati haa yotto cappanɗe jowi, tammiiɓe huuwugo haa laymaaru fottirde

⁴⁴ɗon ujine tato e teemeɗɗe ɗiɗo (3.200).

⁴⁵Kamɓe ngoni Meraari'en ɓe Muusa e Haruna limi fodde umroore Jawmiraawo.

⁴⁶Lewi'en ɓe Muusa e Haruna e ardiiɓe jama'aare limi fodde asli muuɗum'en e ci'e muuɗum'en,

⁴⁷ɓe duuɓi cappanɗe tati haa yotto cappanɗe njowo tammiiɓe huuwugo haa laymaaru fottirde,

⁴⁸ɗon fuu ujine njoweetato e teemeɗɗe njowo e cappanɗe njoweetato (8.580).

⁴⁹Muusa limi ɓe gooto gooto, koo moy bee kuugal mum e ko o roondoto. Koo moy winndaama bana Allah umruno Muusa.