Read Fulfulde Zekariya 2 Bible Online

Zekariya 2 - Fulfulde bible

Zekariya 2

¹Mi tijji, mi yi'i luwe nayi.

²Mi ƴami malaa'ikaajo bolidanɗo bee am: “Luwe ɗe'e ɗum ɗume?” O jaabi yam: “Kanje ngoni luwe caŋkititɗe Yahuuda e Isra'iila e Urusaliima.”

³Kadiboo Jawmiraawo yi'ni yam kila'en nayo.

⁴Mi ƴami: “Ɗume ɓe ngari waɗugo?” O jaabi: “Luwe go caŋkiti Yahuuda, haa walaa koo goɗɗo ɓaŋgti hoore mum. Ammaa kila'en ɓe'e ngari ngam hulnugo e do'ugo luwe go. Ngam ummaatooje ɓaŋgti ɗe dow lesdi Yahuuda, ngam saŋkititgo yimɓe maari.”

⁵Mi tijji, mi yi'i goɗɗo ɗon jogi ɓoggol poondirgol.

⁶Mi ƴami mo: “Toy njahataa?” O jaabi yam: “Haa Urusaliima, ngam foondugo noy njaajirka e noy njuutirka maagol.”

⁷Saa'i malaa'ikaajo bolidanɗo bee am go ɗon yaha, malaa'ikaajo feere wari fotti bee maako.

⁸Malaa'ikaajo bolidanɗo bee am go wi'i mo: “Yaawɗa law, yeccu suka jogiiɗo poondirgol go: Urusaliima taarnataake bee mahol, ngam yimɓe e dabbaaji nder maagol ɗuuɗan.

⁹Jawmiraawo wi'i: Min bee hoore am mi faddan ngol bana mahol yiite. Haa caka maagol boo, mi waŋginan tedduŋgal am.”

¹⁰[4] Jawmiraawo wi'i yimɓe muuɗum: “Onon ɓe mi saŋkiti haa alkibilaaji nayi fuu, jonta kam ndogge, ngurte lesɗe woyla!

¹¹Onon yimɓe Urusaliima, dahaaɓe haa Baabila, njaawɗe wurtaago law haa ndaɗon.”

¹²Ndaa nii Jawmiraawo honooɓe asama mo neli yam wi'i dow ummaatooje jaɓtuɗe on kuuje: “Meemɗo on, meemi ɓiŋngel yiitere am!

¹³Ndaa, mi ɓaŋgtan juŋngo am dow maɓɓe haa ɓe laato keɓal maccuɓe maɓɓe.” Nden on paaman Jawmiraawo honooɓe asama neli yam.

¹⁴Jawmiraawo wi'i: “Ceye, mbelmbelte, onon yimɓe Urusaliima! Ngam mi ɗon wara haa mi jooɗo caka mooɗon.”

¹⁵Nyalaade man ummaatooje ɗuuɗɗe ɗakkoto Jawmiraawo, ɗe laatoto ummaatoore maako. O jooɗoto caka mooɗon. Nden on paaman Jawmiraawo honooɓe asama neli yam haa mooɗon.

¹⁶Yahuuda laatoto maral Jawmiraawo nder lesdi ceniindi fahin. Urusaliima boo wartan berniwol ngol o suɓi ɗum fahin.

¹⁷Sey koo moy fuu sirwo yeeso Jawmiraawo! Ngam o ummake diga jooɗorde maako seniinde.