Read Fulfulde Roma'en 15 Bible Online

Roma'en 15 - Fulfulde bible

Roma'en 15

¹Enen semmbiɗɓe nder nuɗɗinki, sey en mballa tampuɓe. Taa mbaɗen ko fottanta ko'e men.

²Koo moy meeɗen ɗaɓɓa fottango keeddiɗɗum. Kanjum ɗum booɗɗum, ɗum mawninan mo nder nuɗɗinki.

³Ngam koo Almasiihu suklanaaki hoore muuɗum. Ammaa, bana ko winnda dow maako: “Kuudi huɗɓe ma yani dow am.”

⁴Ko winnda diga ɓooyma, ɗum winndaama ngam ekkitingo en haa keɓren tammunde bee munyal e de'ere nde defte ceniiɗe ndokkata.

⁵Allah, dokkoowo en munyal e de'ere ɓernde, hokku on on njooɗodo hakkiilo wooto haa on tokko misaalu Almasiihu,

⁶ngam haa on teddina Allah, Baabiraawo Jawmiraawo men Yeesu Almasiihu bee ɓernde woore e hunnduko wooto.

⁷Ngam maajum, bana Almasiihu jaɓri on, bana non onon boo njaɓindire, ngam haa on teddina Allah.

⁸Mi ɗon wi'a on: Almasiihu laati kuuwanoowo Yahuudu'en haa o waŋginana ɓe gooŋgaaku Allah, o tabitina ko Allah iinanino kaakiraaɓe maɓɓe aartuɓe,

⁹ngam haa ummaatooje fuu boo teddina Allah daliila enɗam mum, bana ko winnda: “Ngam maajum mi yettete caka ummaatooje, mi yiman maŋgtoore innde ma.”

¹⁰Fahin Deftere wi'i: “Onon ummaatooje, ceyode bee yimɓe Allah.”

¹¹Fahin: “Maŋgte Jawmiraawo, onon ummaatooje fuu, maŋgte mo, onon jama'aaje fuu.”

¹²Annabi Esaaya boo wi'i: “Goɗɗo asŋgol Yessa waran. O ummoto ngam o laamano ummaatooje. Haa maako ɗe keɓata tammunde.”

¹³Mi ɗon toro Allah, tabitinɗo tammunde men, haa o hebbina ɓerɗe mon bee seyo e jam fuu ngam daliila nuɗɗinki mon, ngam haa on keewa tammunde bee baawɗe Ruuhu Ceniiɗo.

¹⁴Onon deerɗiraaɓe am, min boo, mi anndi fakat on ɗon kuuwa ko fotti fuu. On keewi bee anndal fuu, on mbaawan barrindirgo boo.

¹⁵Ammaa mi winndani on haalaaji goɗɗi bee dartaare haa mi siftinora on ko annduɗon. Mi winndi bana nii ngam daliila mo'ere nde Allah waɗani yam.

¹⁶O laatini yam kuuwanoowo Yeesu Almasiihu haa ummaatooje goɗɗe. Mi ɗon huuwa kuugal cenaaŋgal ngal Linjiila Allah, haa ummaatooje ɗe'e laatano mo dokkal cenaaŋgal bee Ruuhu Ceniiɗo, pottananŋgal mo.

¹⁷Ngam daliila kawtal am bee Yeesu Almasiihu mantortoomi kuugal am yeeso Allah.

¹⁸Mi walaa dartaare wolwugo haala feere, sey ko Almasiihu waɗi bee kuugal am: O waɗi yimɓe nder ummaatooje fuu ɗowtano Allah, o huuwtiniri bolle am e kuuɗe am,

¹⁹non boo bee kaayeefiiji cemmbiɗɗi e bee baawɗe Ruuhu Ceniiɗo. Ngam maajum keɓmi waazingo Linjiila Almasiihu nder gure ɗuuɗɗe, diga Urusaliima haa yotti lesdi Illiriya.

²⁰Nder kuugal am ɗaɓɓumi foroy waazingo Linjiila haa nokkuuje ɗe innde Almasiihu meeɗaay naneego, ngam taa mi maha dow caɓɓawal goɗɗo.

²¹Bana ko winnda: “Yimɓe ɓe meeɗaay wi'eego haala maako, ngi'an. Yimɓe ɓe meeɗaay nanugo ka, paaman ka.”

²²Nde ɗuuɗɗum kuugal am nga'al haɗi yam yahugo haa mooɗon.

²³Ammaa jonta kuugal am nder lesɗe ɗe'e timmi. Mi yeli yi'ugo on diga duuɓi ɗuuɗɗi.

²⁴Mi tammi ɗum heɓoto jonta. Mi yiɗi yaalugo haa mooɗon, saa'i njahanmi Espaniya. On mbaawan wallugo yam yottaago ton, to mi seyorake kawtal bee mooɗon baakin seɗɗa.

²⁵Ammaa jonta mi yahan Urusaliima tawon, haa mi yahrana senaaɓe ton walliinde.

²⁶Ngam senaaɓe nder Makedoniya e Akaya ceyi, mbaɗi anniya mooɓtugo dokkal ngam talaka'en nder jama'aare senaaɓe haa Urusaliima.

²⁷Ɓe mbaɗi ɗum bee anniya maɓɓe. Ammaa ɗum laatani ɓe bana doole boo ngam nuɗɗinɓe Urusaliima cenndi hayruuji ɗi Ruuhu Allah hokki ɓe bee ummaatooje goɗɗe. Ngam maajum kamɓe boo sey ɓe mballa ɓe bee jawdi maɓɓe.

²⁸To mi timmini kuugal nga'al, waato to mi hokki ɓe dokkal nga'al, nden kam mi yaaltan on wakkati njahanmi Espaniya.

²⁹To mi wari haa mooɗon, mi anndi mi wardan bee barka Almasiihu fuu.

³⁰Deerɗiraaɓe am, mi ɗon toro on bee innde Jawmiraawo men Yeesu Almasiihu, ngam daliila yiide boo nde Ruuhu Allah hokki on, haa on tiino do'anaago yam. Mballeeɗam toraago Allah,

³¹haa o hisnammi juuɗe heefeerɓe haa Yahudiya, ngam haa yimɓe maako senaaɓe haa Urusaliima njaɓa ballal nga'al bee seyo.

³²Bana nii keɓranmi wargo haa mooɗon bee seyo, to Allah muuyi e mi siwtoto seɗɗa haa mooɗon.

³³Allah, dokkoowo en jam, wonda bee mooɗon fuu. Aamiina!