Read Fulfulde Efesu'en 3 Bible Online

Efesu'en 3 - Fulfulde bible

Efesu'en 3

¹Ngam man min Pol, kaɓɓaaɗo daliila Almasiihu Yeesu ngam mooɗon, onon yimɓe ummaatooje goɗɗe …

²On meeɗi nanugo haala kaliifaaku ngu Allah halfini yam ngam mooɗon fodde mo'ere nde o mo'ani yam.

³Bee wahayu o waŋginani yam anniya maako sirriiha, bana ko aartumi winndango on bee bolle seɗɗa.

⁴To on njaŋngi ɗum, on anndan no mi faami sirri Almasiihu.

⁵Sirri man o waŋginanaayno yimɓe ɓooyma nder gide caaliiɗe ammaa o waŋgini ɗum jonta bee Ruuhu maako haa senaaɓe mum nelaaɓe e annabi'en mum.

⁶Ndaa sirri oo: Daliila Linjiila, yimɓe ummaatooje goɗɗe boo laatoto ronooɓe, ɓe laatoto terɗe haa ɓanndu Almasiihu, ɓe keɓan boo ko Allah iinani Isra'iila nder Yeesu Almasiihu.

⁷Allah mo'ani yam, waɗi yam jaggiiɗo mum. Bana nii o waari ɗum nder am bee baawɗe maako,

⁸min laatiiɗo ɓaawoojo ɓaawo'en caka senaaɓe fuu. Ammaa Allah mo'ani yam, halfini yam waazu Linjiila haa ummaatooje, haa mi anndina ɗe jeynitaare Almasiihu ɗuuɗnde nde heɓtataake sam,

⁹mi holla ɗe fuu no Allah hiɓɓinirta anniya mum sirriiha. Allah, tagɗo kuuje fuu suuɗino ka diga zamanuuji ciwaa,

¹⁰haa o waŋginira jonta hikma maako feere feereeha bee jama'aare nuɗɗinɓe haa mawɓe asama e marɓe laamu nder asamanji.

¹¹Allah waɗi ɗum fodde nufayeere nde o nufino diga ɓooyma, o timminira nde bee Almasiihu Yeesu, Jawmiraawo meeɗen.

¹²En ɗon nuɗɗini mo, ngam maajum, haa maako keɓɗen duŋayeere yottaago Allah bee hoolaare.

¹³Ngam maajum mi ɗon toro on, taa on tampa ngam daliila boneeji ɗi mi ɗon yara ngam mooɗon, kanji ngoni tedduŋgal mon.

¹⁴Ngam man mi tuggi koppi am yeeso Baabiraawo.

¹⁵Haa maako, ko wi'ete saare fuu haa asama e dow lesdi heɓi innde mum.

¹⁶Mi ɗon toro Allah fodde jeynitaare tedduŋgal mum, haa o semmbiɗina ɓerɗe mooɗon bee baawɗe Ruuhu maako,

¹⁷haa Almasiihu jooɗo nder ɓerɗe mon daliila nuɗɗinki mon, on tabita dow yiide, on cemmbiɗa nder maare,

¹⁸ngam haa on keɓa faamugo, onon e senaaɓe fuu no yiide Almasiihu yaajiri, juutiri, towiri e luggiri,

¹⁹haa anndon yiide Almasiihu boo, koo to nde ɓuri faamu neɗɗo, haa Allah hebbina on bee jeynitaare muuɗum fuu.

²⁰Allah waawan waɗugo ko ɓuri do'aaje men e numooji men piw fodde semmbe huuwaande nder meeɗen.

²¹Tedduŋgal laatano mo nder jama'aare nuɗɗinɓe, non boo nder Yeesu Almasiihu, haa gide fuu, haa abada abadin. Aamiina!