Read Fulfulde Yosuwa 12 Bible Online

Yosuwa 12 - Fulfulde bible

Yosuwa 12

¹Isra'iila'en nyaamino lesdi haa fuunaaŋge maayo Urdun diga naane, diga maayo Arnon haa hooseere Hermoon bee waadiwol Urdun haa fuunaaŋge fuu. Ɓe njaalino laamiiɓe ɓe'e:

²Sihon, laamiiɗo Amoori'en, jooɗiiɗo haa Hesbon woni gooto maɓɓe. O marino lesdi diga Aro'er haa fomoonde maayo Arnon, diga caka waadiwol man haa yotti maayo Yabbok, keerol lesdi Ammooni'en, waato reeta lesdi Gile'at,

³non boo ladde haa weendu Kinneret wakeere fuunaaŋge Urdun, haa yotti weendu Araba, waato Weendu Mannda, wakeere fuunaaŋge yahugo Bayti-Yesimot, gal fombina boo haa les diirtorɗe hooseere Pisiga.

⁴Laamiiɗo ɗiɗaɓo ɗum Ook mo Baasan, gooto nder Refa'en luttuɓe, jooɗiiɗo haa Astarot e Edirey.

⁵O laamanino lesdi haa hooseere Hermoon e Salka e Baasan fuu haa yotti keerol Gesuri'en e Makati'en, ɗum reeta Gile'at haa keerol Sihon, laamiiɗo Hesbon.

⁶Muusa, jaggiiɗo Jawmiraawo e Isra'iila'en njaalino laamiiɓe ɗiɗo ɓe'e. Lesdi maɓɓe, Muusa, jaggiiɗo Jawmiraawo marni ndi le'i Ruben e Gada e reeta lenyol Manassa.

⁷Yosuwa e Isra'iila'en njaali laamiiɓe fuu gaa'e maayo Urdun, wakeere hiirnaaŋge, diga Ba'al-Gada nder waadiwol Libanon haa yotti hooseere Halak wakeere Se'ir. Yosuwa marni ndi Isra'iila'en, senndi ndi fodde le'i maɓɓe,

⁸waato lesdi kooseeje e lesdi towndiije haa hiirnaaŋge, waadiwol Urdun bee towndiije mum e gaaruuji fuunaaŋge, non boo ladde hamaadaare e Lesdi Fombina. Naane Heti'en e Amoori'en e Kanaani'en e Perezzi'en e Hewi'en e Yebusi'en njooɗino ton.

⁹Isra'iila'en njaali laamiiɓe berniiji ɗi'i: Yeriko, Ayu baŋnge Baytila,

¹⁰Urusaliima, Heburuun,

¹¹Yarmut, Lakis,

¹²Egilon, Gezer,

¹³Debir, Geder,

¹⁴Horma, Arat,

¹⁵Libna, Adullam,

¹⁶Makkeda, Baytila,

¹⁷Tappuha, Hefer,

¹⁸Afek nder Saron,

²⁰Simiyon, Meeron, Akisaf,

²¹Ta'anak, Megiddo,

²²Keedes, Yokne'am haa hooseere Karmel,

²³Door haa Nafot Door, Goyim nder Galiili,

²⁴Tirsa. Limgal laamiiɓe man fuu: cappanɗe tato e ngo'o.