Read Fulfulde Yosuwa 15 Bible Online

Yosuwa 15 - Fulfulde bible

Yosuwa 15

¹Ɓe mbaɗi kur'u ngam lenyol Yahuuda fodde geɓe maagol. Ɓe keɓi maral haa wakeere keerol Edoom e ladde Siin gal fombina, daayiiɗum masin.

²Keerol maɓɓe haa Lesdi Fombina laati diga sera Weendu Mannda, diga ɗemŋgal weendu tiitiiŋgal fombina.

³Nden ngol tokki gal fombina haa wa'orde Akrabbiima, ngol yehi haa Siin. Nden ngol saali haa fombina Kaades-Barne'a haa yotti Hesruunu. Nden ngol wayliti heedi woyla yahugo Addar, ngol taari haa yotti Karka.

⁴Diga ton ngol yehi haa Asmuuna, haa ngol tokki maayel Misra, ngol timmi haa Mbeela. Kanjum woni keerol maɓɓe haa fombina.

⁵Keerol maɓɓe fuunaaŋgewol tokki Weendu Mannda haa yotti nastirde maayo Urdun. Keerol maɓɓe woylawol fuɗɗi haa ɗemŋgal weendu diga nastirde maayo Urdun.

⁶Nden ngol yehi Bayti-Hogila, ngol saali haa woyla Bayti-Araba, haa yotti hayre Bohan. Bohan woni ɓii Ruben.

⁷Nden ngol wa'i diga waadiwol Akor haa Debir, ngol wayliti gal woyla haa yotti Gilgal, berniwol tiitotirŋgol bee wa'orde Adumiima, wakeere waadiwol fombinaare. Nden keerol yehi haa En-Semes, diga ton boo haa En-Rogel.

⁸Keerol wa'i waadiwol Ɓii-Hinnom haa fombina towndiire nde Urusaliima, berniwol Yebusi'en woni. Nden keerol wa'i dow hooseere tiitotirnde bee waadiwol Ɓii-Hinnom haa hiirnaaŋge, haa sera waadiwol Refayim woylawol.

⁹Haa hooseere man keerol wayliti yahugo seeɓoore Menefto'a, ngol yehi haa bille gure dow hooseere Efruuna. Nden ngol wayliti gal Ba'ala, kanjum woni Kiriyat-Ye'arim.

¹⁰Diga ton ngol yehi hiirnaaŋge gal kooseeje Se'ir, ngol tokki wakeere hooseere Ye'arim woylaare, Ye'arim woni Kesalon. Ngol diirti haa Bayti-Semes, ngol yehi haa Timna.

¹¹Nden keerol yehi woyla, haa hooseere Ekuruun, ngol wayliti gal Sikeruuna, ngol saali hooseere Ba'ala, ngol yehi haa Yabneyel. Ngol haaɗi haa Mbeela.

¹²Kaŋgo woni keerol hiirnaaŋgewol. Nder keeri ɗi'i lenyol Yahuuda jooɗi fodde geɓe maagol.

¹³Bana Jawmiraawo umruno Yosuwa, bana non Kaaleb ɓii Yefunna heɓi geɗal mum caka yimɓe Yahuuda. O heɓi Heburuun, berniwol Arba, baaba Enak.

¹⁴Kaaleb riiwi ton ɓiɓɓe Enak tato: Sesay e Ahiman e Talmay.

¹⁵Nden o yehi haɓugo bee yimɓe Debir. Ɓooyma ɓe mbi'i berniwol man Kiriyat-Sefer.

¹⁶Kaaleb wi'i: “Mo jaali Kiriyat-Sefer, mi te'nan mo Aksa, ɓiyam debbo.”

¹⁷Otniyel ɓii Kenas deerɗu Kaaleb jaali ngol. Ngam maajum Kaaleb te'ni mo Aksa.

¹⁸Nyannde ɓaŋgal maɓɓe Aksa ɓilli mo o toro baaba muuɗum ngesa. Otniyel jippi wamnde mum. Kaaleb ƴami mo: “Ko waɗ ma?”

¹⁹O jaabi: “Yerdanam ko mi toroto ma. A hokki yam lesdi fombina njoorndi, hokkam ceeɓooje ndiyam boo.” Ngam maajum Kaaleb hokki mo seeɓoore haa dow hooseere e seeɓoore haa les maare.

²⁰Kanjum woni geɗal lesdi ngam lenyol Yahuuda bee geɓe maagol.

²¹Berniiji maɓɓe ɓurɗi daayaago haa Lesdi Fombina, kommbi keerol lesdi Edoom ngoni: Kabseyel e Eder e Yagur

²²e Kina e Dimona e Ad'ada

²³e Keedes e Hacoor-Yitnan

²⁴e Zif e Telem e Be'alot

²⁵e Hacoor-Hadatta e Keriyot-Hesruunu — kanjum woni Hacoor —

²⁶e Amam e Sema e Molada

²⁷e Hacar-Gadda e Hesmuunu e Bayti-Palet

²⁸e Hacar-Su'al e Biirsaba bee gure mum

²⁹e Ba'ala e Iyyim e Ecem

³⁰e Eltolat e Kesil e Horma

³¹e Cikilak e Madamanna e Sansanna

³²e Lebayot e Silhim e En-Rimmon, ɗum berniiji noogas e joweenayi bee gure maaji.

³³Berniiji maɓɓe nder lesdi towndiije ngoni: Estawol e Cor'a e Asna

³⁴e Zanoyak e En-Gannim e Tappuha e Enam

³⁵e Yarmut e Adullam e Soko e Azeka

³⁶e Saarayim e Aditayim e Gedera e Gederotayim, ɗum berniiji sappo e nayi bee gure maaji.

³⁷Woodi boo Cenan e Hadasa e Migdal-Gada

³⁸e Dil'aan e Mispe e Yokteyel

³⁹e Lakis e Boskat e Egilon

⁴⁰e Kabbon e Lahmas e Kitilis

⁴¹e Gederot e Bayti-Daagon e Na'ama e Makkeda, ɗum berniiji sappo e joweego bee gure maaji.

⁴²Woodi boo Libna e Eter e Asan

⁴³e Yiftah e Asna e Necib

⁴⁴e Ke'ila e Akizib e Maresa, ɗum berniiji joweenayi bee gure maaji.

⁴⁵Woodi boo Ekuruun bee gure maagol e kawyeeji maagol.

⁴⁶Gal hiirnaaŋge Ekuruun boo berniiji haa wakeere Asdod fuu bee gure maaji.

⁴⁷Woodi Asdod e Gaaza bee gure maaji e kawyeeji maaji, haa yotti maayel Misra e Mbeela bee lesdi haa fomoonde maago.

⁴⁸Nder lesdi kooseeje woodi Samir e Yattir e Soko

⁴⁹e Danna e Kiriyat-Sanna — kanjum woni Debir —

⁵⁰e Anaba e Estemo e Anim

⁵¹e Goosan e Holon e Gilo, ɗum berniiji sappo e go'o bee gure maaji.

⁵²Woodi boo Araba e Ruma e Esiyan

⁵³e Yanum e Bayti-Tappuha e Afeka

⁵⁴e Humta e Kiriyat-Arba — kanjum woni Heburuun — e Ci'or, ɗum berniiji joweenayi bee gure maaji.

⁵⁵Woodi boo Ma'on e Karmel e Zif e Yuta

⁵⁶e Yisre'el e Yokde'am e Zanoha

⁵⁷e Kayina e Gibiya e Timna, ɗum berniiji sappo bee gure maaji.

⁵⁸Woodi boo Halkul e Bayti-Cura e Gedor

⁵⁹e Ma'arat e Bayti-Anot e Eltekon, ɗum berniiji joweego bee gure maaji.

⁶⁰Woodi boo Kiriyat-Ba'al — kanjum woni Kiriyat-Ye'arim — e Rabba, ɗum berniiji ɗiɗi bee gure maaji.

⁶¹Nder ladde woodi Bayti-Araba e Middin e Sekaka

⁶²e Nibsan e Ir-Mela e En-Gedi, ɗum berniiji joweego bee gure maaji.

⁶³Ammaa Yebusi'en jooɗiiɓe haa Urusaliima, yimɓe Yahuuda mbaawaay riiwugo ɓe. Ngam maajum Yebusi'en ɗon njooɗodi bee yimɓe Yahuuda haa wargo hannde.