Read Fulfulde Yosuwa 16 Bible Online

Yosuwa 16 - Fulfulde bible

Yosuwa 16

¹Geɗal lesdi ngal laatani danygol Yusufu fuɗɗi haa maayo Urdun baŋnge Yeriko, haa fuunaaŋge ceeɓooje Yeriko. Nden keerol maɓɓe nasti nder ladde, diga Yeriko haa kooseeje Baytila.

²Ngol ummi Baytila, yehi haa Luus, ngol tokki gal lesdi Arki'en haa Atarot.

³Nden ngol diirti gal hiirnaaŋge haa lesdi Yafleti'en, haa yotti lesdi Baytihurun-les e Gezer, ngol haaɗi haa Mbeela.

⁴Bana nii le'i Manassa e Efrayim, ɓiɓɓe Yusufu ndoniri geɗe maaji.

⁵Ndaa ko laati geɗal lenyol Efrayim bee geɓe maagol: Keerol maɓɓe fuunaaŋgewol fuɗɗi haa Aterot-Addar, yehi Baytihurun-dow.

⁶Nden ngol yehi hiirnaaŋge, ngol tokki gal woyla haa Mikmetat. Ngol wayliti gal fuunaaŋge yahugo Ta'anat-Silo, ngol saali gaɗa berniwol man haa fuunaaŋge Yanoha.

⁷Haa Yanoha ngol diirti gal Atarot e Na'arat, ngol meemi Yeriko, ngol haaɗi haa maayo Urdun.

⁸Keerol maɓɓe saali haa hiirnaaŋge Tappuha yahugo maayel Kana, ngol haaɗi haa Mbeela. Kanjum woni geɗal lenyol Efrayim bee geɓe maagol.

⁹Ɗum hawti bee berniiji goɗɗi e gure maaji nder keeri lenyol Manassa.

¹⁰Ammaa ɓe ndiiwaay Kanaani'en jooɗiiɓe haa Gezer. Ngam maajum Kanaani'en ɗon njooɗi caka yimɓe Efrayim haa wargo hannde. Ɓe laati maccuɓe maɓɓe ɓe ɗon kuuwana ɓe.