Read Fulfulde Yosuwa 19 Bible Online

Yosuwa 19 - Fulfulde bible

Yosuwa 19

¹Kur'u ɗiɗaɓu waŋgini geɗal lenyol Simeyon bee geɓe maagol. Ɓe keɓi geɗal maɓɓe haa nder geɗal yimɓe Yahuuda.

²Ndaa ko laatani ɓe: Biirsaba e Sema e Molada

³e Hacar-Su'al e Baala e Ecem

⁴e Eltolat e Betula e Horma

⁵e Cikilak e Bayti-Markabot e Hacar-Susa

⁶e Bayti-Lebayot e Sarukeena, ɗum berniiji sappo e tati bee gure maaji.

⁷Woodi boo Ayin e Rimmon e Eter e Asan, ɗum berniiji nayi bee gure maaji.

⁸Ɓe mari gure taariiɗe berniiji ɗi'i fuu haa yotti Ba'alat-Biir — kanjum woni Rama-fombina. Kanjum woni geɗal lenyol Simeyon bee geɓe maagol.

⁹Ɓe ndoni geɗal yimɓe Simeyon nder geɗal yimɓe Yahuuda. Geɗal yimɓe Yahuuda ɗuuɗino, ɓuri haaje maɓɓe. Ngam maajum yimɓe Simeyon keɓi geɗal muuɗum'en haa nder geɗal yimɓe Yahuuda.

¹⁰Kur'u tataɓu waŋgini geɗal lenyol Zabulon bee geɓe maagol. Keerol geɗal maɓɓe yotti Sariida.

¹¹Nden ngol yehi hiirnaaŋge haa yotti Marhala, ngol meemi Dabbeseet, ngol yotti maayel tiitotirŋgel bee Yokne'am.

¹²Haa wakeere feere ngol fuɗɗi haa Sariida, ngol yehi fuunaaŋge haa keerol Kislot-Taboora, nden ngol yehi haa Daberat, ngol wa'i heedi Yafiya.

¹³Ngol tokki yahugo fuunaaŋge haa yotti Gat-Hefer e Et-Kasiina, ngol wayliti heedi Ne'a haa laawol Rimmona.

¹⁴Ton ngol wayliti, ngol yehi woyla haa Hannaton. Ngol haaɗi nder waadiwol Yiftah-El.

¹⁵Woodi boo Kattat e Nahalal e Simron e Yidala e Baytilaama, hawti berniiji sappo e ɗiɗi bee gure maaji.

¹⁶Kanjum woni geɗal lenyol Zabulon bee geɓe maagol, berniiji ɗi'i bee gure maaji.

¹⁷Kur'u nayaɓu waŋgini geɗal lenyol Issakar bee geɓe maagol.

¹⁸Ndaa berniiji gonɗi nder maagal: Yisre'el e Kesulot e Sunem

¹⁹e Hafarayim e Siiyon e Anakarat

²⁰e nokkuure wi'eteende Rabbit e Kisiyon e Ebes

²¹e Remet e En-Gannim e En-Hadda e Bayti-Pacces.

²²Keerol maɓɓe meemi boo Taboora e Sakasuuma e Bayti-Semes, ngol haaɗi haa maayo Urdun, ɗum berniiji sappo e joweego bee gure maaji.

²³Kanjum woni geɗal lenyol Issakar bee geɓe maagol, berniiji ɗi'i bee gure maaji.

²⁴Kur'u njowaɓu waŋgini geɗal lenyol Aser bee geɓe maagol.

²⁵Keerol maɓɓe hawti Helkat e Hali e Beten e Akisaf

²⁶e Allammelek e Am'ada e Miseyal. Haa hiirnaaŋge ngol yotti hooseere Karmel e Sihor-Libnat.

²⁷Haa wakeere feere ngol yehi fuunaaŋge haa Bayti-Daagon, ngol yotti Zabulon e waadiwol Yiftah-El haa woyla Bayti-Emek e Ne'iyel. Ngol dilli gal woyla Kabul

²⁸e Abdon e Rehob e Hammon e Kana, haa yotti Sidon berniwol maŋngol.

²⁹Nden keerol wayliti, yehi Rama e berniwol Tirus. Ton ngol wayliti fahin, ngol yehi Hosa, ngol haaɗi haa Mbeela. Woodi boo berniiji ɗi'i nder keerol man: Mahaleeba e Akizib

³⁰e Umma e Afek e Rehob, ɗum fuu ɗum berniiji noogas e ɗiɗi bee gure maaji.

³¹Kanjum woni geɗal lenyol Aser bee geɓe maagol, berniiji ɗi'i bee gure maaji.

³²Kur'u njoweego'oowu waŋgini geɗal lenyol Neftali bee geɓe maagol.

³³Keerol maɓɓe fuɗɗi haa Helef, yehi haa lekki makki haa Sa'ananim, nden ngol yehi haa Adami-Nekeb e Yabneyel e Lakkum, ngol haaɗi haa maayo Urdun.

³⁴Haa wakeere feere ngol yehi hiirnaaŋge haa Asnot-Taboora. Nden ngol yehi haa Hukoka. Haa fombina ngol yotti Zabulon, haa hiirnaaŋge boo Aser. Haa fuunaaŋge ngol yotti Yahuuda haa maayo Urdun.

³⁵Berniiji maɓɓe cemmbiɗɗi ngoni: Ciddim e Ceer e Hammat e Rakkat e Kinneret

³⁶e Adama e Rama e Hacoor

³⁷e Keedes e Edirey e En-Hacoor

³⁸e Yiron e Migdaliila e Horem e Bayti-Anat e Bayti-Semes, ɗum berniiji sappo e joweenayi bee gure maaji.

³⁹Kanjum woni geɗal lenyol Neftali bee geɓe maagol, berniiji ɗi'i bee gure maaji.

⁴⁰Kur'u njoweeɗiɗaɓu waŋgini geɗal lenyol Dan bee geɓe maagol.

⁴¹Ndaa ko laati geɗal maɓɓe haa lesdi: Cor'a e Estawol e Ir-Semes

⁴²e Sa'alabbin e Ayyalon e Yitila

⁴³e Elon e Timna e Ekuruun

⁴⁴e Elteke e Gibbeton e Ba'alat

⁴⁵e Yehud e Bene-Barak e Gat-Rimmon

⁴⁶e ndiyamji Yarkon e Rakkon bee lesdi haa wakeere Yafo.

⁴⁷Nde lesdi he'aay yimɓe Dan, ɓe njehi, ɓe kaɓi bee berniwol Lesem. Ɓe kooci ngol, ɓe mbari yimɓe ton bee kaafaaje, ɓe njooɗi nder maagol. Ɓe mbi'i ngol Dan fodde innde kaaka maɓɓe.

⁴⁸Kanjum laati geɗal lenyol Dan bee geɓe maagol, berniiji ɗi'i bee gure maaji.

⁴⁹Nde Isra'iila'en timmini senndugo lesdi bee keeri mum, ɓe ndonni Yosuwa ɓii Nuuna geɗal lesdi caka maɓɓe.

⁵⁰Fodde umroore Jawmiraawo ɓe ndokki mo berniwol ngol o ɗaɓɓi: Timnat-Seraha nder kooseeje Efrayim. O nyiɓti berniwol man, o jooɗi ton.

⁵¹Kanje ngoni mare ɗe Eli'azaaru limanjo e Yosuwa ɓii Nuuna e baaba-ci'e'en[14] nder le'i Isra'iila'en ndonni Isra'iila'en lesdi. Ɓe mbaɗi kur'u yeeso Jawmiraawo haa Silo, haa dammugal laymaaru fottirde. Bana nii ɓe timminiri senndugo lesdi.