Read Fulfulded Laataanooji 5 Bible Online

Laataanooji 5 - Fulfulded bible

Laataanooji 5

¹Ndaa deftere danygol Aadamu: Saa'i Allah tagi neɗɗo dow jaati muuɗum, o tagi mo dow nanndal maako.

²O tagi gorko e debbo, o barkiɗini ɓe. Nyalaade nde ɓe taga, o hokki ɓe innde: Neɗɗo.

³Nde Aadamu waɗi duuɓi teemerre e cappanɗe tati (130), o danyi ɓiɗɗo gorko nannduɗo bee maako, fodde jaati maako, o inndi mo Setu.

⁴Duuɓi Aadamu ɓaawo o danyi Setu, teemeɗɗe joweetati (800). O danyi ɓiɓɓe worɓe e rewɓe.

⁵Duuɓi Aadamu ngaɗi fuu teemeɗɗe joweenayi e cappanɗe tati (930), nden o maayi.

⁶Nde Setu waɗi duuɓi teemerre e jowi (105), o danyi Enos.

⁷Duuɓi Setu ɓaawo o danyi Enos, teemeɗɗe joweetati e joweeɗiɗi (807). O danyi ɓiɓɓe worɓe e rewɓe.

⁸Duuɓi Setu ngaɗi fuu, teemeɗɗe joweenayi e sappo e ɗiɗi (912), nden o maayi.

⁹Nde Enos waɗi duuɓi cappanɗe joweenayi (90), o danyi Kaynam.

¹⁰Duuɓi Enos ɓaawo o danyi Kaynam, teemeɗɗe joweetati e sappo e jowi (815). O danyi ɓiɓɓe worɓe e rewɓe.

¹¹Duuɓi Enos ngaɗi fuu, teemeɗɗe joweenayi e jowi (905), nden o maayi.

¹²Nde Kaynam waɗi duuɓi cappanɗe joweeɗiɗi (70), o danyi Mahalaleel.

¹³Duuɓi Kaynam ɓaawo o danyi Mahalaleel, teemeɗɗe joweetati e cappanɗe nayi (840). O danyi ɓiɓɓe worɓe e rewɓe.

¹⁴Duuɓi Kaynam ngaɗi fuu, teemeɗɗe joweenayi e sappo (910), nden o maayi.

¹⁵Nde Mahalaleel waɗi duuɓi cappanɗe joweego e jowi (65), o danyi Yarat.

¹⁶Duuɓi Mahalaleel ɓaawo o danyi Yarat, teemeɗɗe joweetati e cappanɗe tati (830). O danyi ɓiɓɓe worɓe e rewɓe.

¹⁷Duuɓi Mahalaleel ngaɗi fuu, teemeɗɗe joweetati e cappanɗe joweenayi e jowi (895), nden o maayi.

¹⁸Nde Yarat waɗi duuɓi teemerre e cappanɗe joweego e ɗiɗi (162), o danyi Anuhu.

¹⁹Duuɓi Yarat ɓaawo o danyi Anuhu, teemeɗɗe joweetati (800). O danyi ɓiɓɓe worɓe e rewɓe.

²⁰Duuɓi Yarat ngaɗi fuu, teemeɗɗe joweenayi e cappanɗe joweego e ɗiɗi (962), nden o maayi.

²¹Nde Anuhu waɗi duuɓi cappanɗe joweego e jowi (65), o danyi Matusala.

²²Anuhu yahdi bee Allah duuɓi teemeɗɗe tati (300), ɓaawo o danyi Matusala. O danyi ɓiɓɓe worɓe e rewɓe.

²³Duuɓi Anuhu ngaɗi fuu, teemeɗɗe tati e cappanɗe joweego e jowi (365).

²⁴Anuhu tokki laawol Allah, o majjiti, ngam Allah eeŋgini mo.

²⁵Nde Matusala waɗi duuɓi teemerre e cappanɗe joweetati e joweeɗiɗi (187), o danyi Lamek.

²⁶Duuɓi Matusala ɓaawo o danyi Lamek, teemeɗɗe joweeɗiɗi e cappanɗe joweetati e ɗiɗi (782). O danyi ɓiɓɓe worɓe e rewɓe.

²⁷Duuɓi Matusala ngaɗi fuu, teemeɗɗe joweenayi e cappanɗe joweego e joweenayi (969), nden o maayi.

²⁸Nde Lamek waɗi duuɓi teemerre e cappanɗe joweetati e ɗiɗi (182), o danyi ɓiɗɗo gorko.

²⁹O inndi mo Nuuhu, o wi'i: “Kaŋko de'itinta en dow kuugal meeɗen e torra juuɗe meeɗen ngam lesdi ndi Jawmiraawo naali ɗum.”

³⁰Duuɓi Lamek ɓaawo o danyi Nuuhu, teemeɗɗe jowi e cappanɗe joweenayi e jowi (595). O danyi ɓiɓɓe worɓe e rewɓe.

³¹Duuɓi Lamek ngaɗi fuu, teemeɗɗe joweeɗiɗi e cappanɗe joweeɗiɗi e joweeɗiɗi (777), nden o maayi.

³²Nde Nuuhu waɗi duuɓi teemeɗɗe jowi (500), o danyi Sem e Haamu e Yafet.