Read Fulfulded 1 Habaruuji Nyalaaɗe 11 Bible Online

1 Habaruuji Nyalaaɗe 11 - Fulfulded bible

1 Habaruuji Nyalaaɗe 11

¹Isra'iila'en fuu mooɓti haa kommbi Daawuda haa Heburuun. Ɓe mbi'i mo: “Minin min banndiraaɓe ma nder ummaatoore woore.

²Koo naane, wakkati Sawulu ɗonno laamani min boo, an ardi jama'aare konu Isra'iila. Jawmiraawo Allah maaɗa boo wi'i ma: An ɗowata ummaatoore am Isra'iila'en, a laatoto ardiiɗo maɓɓe.”

³Ndotti'en Isra'iila fuu ngari haa laamiiɗo haa Heburuun. Daawuda haɓɓi alkawal bee maɓɓe ton yeeso Jawmiraawo. Ɓe moyti Daawuda, laati laamiiɗo dow Isra'iila fodde wolde nde Jawmiraawo wi'no bee hunnduko Samuyila.

⁴Daawuda e Isra'iila'en fuu njehi haa Urusaliima, waato Yebus. Yebusi'en, yimɓe lesdi man ɗon njooɗi ton.

⁵Ɓe mbi'i Daawuda: “A waawataa nyaamugo berniwol amin.” Ammaa Daawuda nyaami berniwol cemmbiɗŋgol dow hooseere Siyona, kaŋgol laati Berniwol Daawuda.

⁶Daawuda wi'no: “Mo aartata jaalaago Yebusi'en fuu laatoto hooreejo, waato mawɗo honooɓe.” Yo'ab ɓii Seruyatu aarti, wa'i. Kaŋko laati hooreejo.

⁷Daawuda jooɗi haa berniwol cemmbiɗŋgol go, ngam maajum ɓe inndi ngol Berniwol Daawuda.

⁸Daawuda nyiɓi haa taarde berniwol, diga Millo[11] haa yotti taarde maagol. Yo'ab boo hesɗitini yeɓre berniwol luttunde.

⁹Daawuda ɓesdi yeeso yeeso, ngam Jawmiraawo, Allah honooɓe asama ɗon wondi bee maako.

¹⁰Ndaa honooɓe Daawuda hoore'en suusɓe. Kamɓe e Isra'iila fuu mballi Daawuda haa o heɓa laamu e ɓe tokki wallugo mo nde o laami fuu, bana Jawmiraawo wi'no dow Isra'iila.

¹¹Ndaa inɗe maɓɓe: Yasobo'am ɓii Hakmoni, o hooreejo honooɓe tataɓo. O mbari konne'en teemeɗɗe tato (300) bee labbo maako nder haɓre woore.

¹²Ɓaawo maako Eli'azaaru ɓii Doodo Ahohiijo, o gooto nder suusɓe tato.

¹³Kaŋko o wonduno bee Daawuda haa Pas-Damiima, nde Filisti'en mooɓi ton ngam haɓre. Woodi ton tayre ngesa heewnde sa'iiruuri. Yimɓe ndoggi yeeso Filisti'en.

¹⁴Ammaa Eli'azaaru bee yimɓe mum ndari caka tayre ngesa man, ɓe kisni nde, ɓe njaali Filisti'en. Bana nii Jawmiraawo heɓni Isra'iila'en jaalorgal maŋngal.

¹⁵Tato nder honooɓe semmbiɗɓe cappanɗe tato ndiirti, ngari haa Daawuda haa lowol Adullam nder tapaare. Jama'aare Filisti'en ɗon saŋngini nder waadiwol Refayim.

¹⁶Saa'i man Daawuda ɗon haa hisrude, Filisti'en aynooɓe ɗon haa Baytilaama.

¹⁷Daawuda yeli, wi'i: “Moy yarnatammi ndiyam ɓulndu wonndu haa dammugal Baytilaama?”

¹⁸Suusɓe tato man nasti caka saŋngeere Filisti'en, nyeɗi ndiyam ɓulndu haa dammugal Baytilaama, ngaddi ɗam haa Daawuda. Ammaa Daawuda sali yarugo ɗam. O rufi ɗam, ɗam laati dokkal ngam Jawmiraawo.

¹⁹O wi'i: “Allah am haɗammi waɗugo irin ɗu'um! Kadi mi yara ƴiiƴam worɓe ɓe'e na? Ngam ɓe kasdi koo maayugo ngam waddango yam ndiyam man.” Ngam maajum o sali yarugo ɗam. Bana nii kuuɗe suusɓe tato ɓe'e mba'i.

²⁰Abisay deerɗiraawo Yo'ab woni hooreejo suusɓe tato man. O mbari konne'en teemeɗɗe tato bee labbo maako. O heɓi innde caka suusɓe tato,

²¹o ɓurdi ɓe tedduŋgal cowi ɗiɗi, haa o laati hooreejo maɓɓe. Ammaa o yottaaki darnde suusɓe tato go.

²²Benaya ɓii Yoyada mo Kabseyel, o cemmbiɗɗo, o huuwi kuuɗe mawɗe ɗuuɗɗe. O mbari ɓiɓɓe Ariyel Mo'abiijo ɗiɗo. Nyannde feere nde mallimallooje toɓi, o jippi nder ɓulndu o mbari mbarooga ton.

²³O mbari boo Misraajo mo darnde mum waɗi meetir ɗiɗi bee reeta. Misraajo man woodi labbo haa juŋngo muuɗum, ngo tekki bana leggal cannyargal. Benaya ɓaditi mo bee sawru, jaɓti labbo haa juŋngo maako, mbari mo bee maago.

²⁴Kanjum Benaya ɓii Yoyada waɗi. O heɓi innde bana suusɓe tato go.

²⁵O ɓurdi suusɓe cappanɗe tato go tedduŋgal, ammaa o yottaaki darnde suusɓe tato. Daawuda darni mo o hooreejo aynooɓe muuɗum.

²⁶Honooɓe Daawuda semmbiɗɓe ngoni: Asa'el deerɗiraawo Yo'ab e Elhanan ɓii Doodo mo Baytilaama

²⁷e Sammot mo Harood e Heeles mo Pelon

²⁸e Iira ɓii Ikkes mo Teko'a e Abi'ezer mo Anatot

²⁹e Sibbekay mo Husa e Iilay mo Ahoha

³⁰e Maharay mo Netofa e Heeled ɓii Ba'ana mo Netofa

³¹e Ittay ɓii Ribay mo Gibiya nder lesdi Benyamin e Benaya mo Piraton

³²e Huuray iwɗo waadiiji Ga'as e Abiyel mo Araba

³³e Azmawet mo Baharuuma, Elihabba mo Sa'albon

³⁴e ɓiɓɓe Hasen Guniijo e Yonatan ɓii Sage mo Harar

³⁵e Ahiyam ɓii Sakar mo Harar e Elifal ɓii Ur

³⁶e Hefer Mekeraajo e Ahiya mo Pelon

³⁷e Hesro mo Karmel e Na'aray ɓii Ejebay

³⁸e Yo'el deerɗiraawo Natan e Mibehar ɓii Hagari

³⁹e Selek Ammooniijo e Naharay mo Beerot doondoowo balmi Yo'ab ɓii Seruyatu

⁴⁰e Iira mo Yatir e Gareb mo Yatir

⁴¹e Uriya Hetiijo e Zabada ɓii Ahilay

⁴²e Adina ɓii Sija, mawɗo nder yimɓe Ruben e worɓe cappanɗe tato bee maako

⁴³e Hanan ɓii Ma'aka e Yosafat Mitimiijo

⁴⁴e Uzziya mo Asterot e Sama e Ye'iyel ɓiɓɓe Hotam mo Aro'er

⁴⁵e Yedi'ayel ɓii Simiri e deerɗum Yoha Tisiijo

⁴⁶e Eliyel Mahawiijo e Yeribay e Yoswiya ɓiɓɓe Elna'am e Yitima Mo'abiijo

⁴⁷e Eliyel e Obet e Ya'asiyel mo Mecobaya.