Read Fulfulded 1 Habaruuji Nyalaaɗe 14 Bible Online

1 Habaruuji Nyalaaɗe 14 - Fulfulded bible

1 Habaruuji Nyalaaɗe 14

¹Hiram, laamiiɗo Tirus neli nelaaɓe haa Daawuda. O neldi boo leɗɗe cemmbiɗɗe e sehooɓe e mahooɓe, ngam haa ɓe nyiɓana mo laamorde.

²Laamu Daawuda heɓi tedduŋgal ɗuuɗŋgal, bana nii Daawuda anndiri Jawmiraawo tabitini mo o laamiiɗo dow Isra'iila ngam daliila yimɓe muuɗum Isra'iila'en.

³Haa Urusaliima Daawuda te'i rewɓe feere, o ɓesdi danyugo ɓiɓɓe worɓe e rewɓe.

⁴Ndaa inɗe ɓiɓɓe maako worɓe danyaaɓe haa Urusaliima: Sammu'a e Sobaba e Natan e Suleymaanu

⁵e Yibehar e Elisuwa e Elpalet

⁶e Nooga e Nefek e Yafiya

⁷e Eliisama e Be'eliyada e Elifelet.

⁸Nde Filisti'en nani Isra'iila'en moyti Daawuda, laatini mo laamiiɗo muuɗum'en, ɓe fuu ɓe ngari haa ɓe ɗaɓɓita mo. Ammaa Daawuda nani ɗum. O wurti ngam fottugo bee maɓɓe.

⁹Filisti'en ngari, kippi waadiwol Refayim.

¹⁰Daawuda ƴami Allah: “Mi haɓa bee Filisti'en na? A hokkatam jaalorgal dow maɓɓe na?” Jawmiraawo jaabi mo: “Yah, mi hokkete.”

¹¹Ɓe njehi haa Ba'al-Perasiima, ton Daawuda jaali Filisti'en. O wi'i: “Jawmiraawo seeki caka konne'en am bee juŋngo bana ildugol ndiyam.” Ngam maajum nokkuure nde'e wi'ete Ba'al-Perasiima[16].

¹²Filisti'en acci labbi muuɗum'en ton. Daawuda umri wulugo ɗi.

¹³Fahin Filisti'en ngari, kippi waadiwol Refayim.

¹⁴Daawuda ƴami Allah kadiboo, ammaa Allah wi'i mo: “Taa tokka ɓaawo maɓɓe, ammaa wakka daayiiɗum bee maɓɓe, nden war dow maɓɓe diga wakeere leɗɗe balsani.

¹⁵To a nani sonyo palanɗe dow ko'e leɗɗe man, nden ukkana ɓe, ngam mi ɗon aarta yeeso maaɗa ngam honugo jama'aare Filisti'en.”

¹⁶Daawuda waɗi ko Jawmiraawo umri mo, ɓe njaali jama'aare Filisti'en diga Gibiyon haa yotti Gezer.

¹⁷Diga wakkati man, innde Daawuda teddinaama koo toy, Jawmiraawo ukkani ummaatooje fuu kulol daliila Daawuda.