Read Fulfulded 1 Habaruuji Nyalaaɗe 24 Bible Online

1 Habaruuji Nyalaaɗe 24 - Fulfulded bible

1 Habaruuji Nyalaaɗe 24

¹Ndaa geɓe nder danygol Haruna. Ɓiɓɓe Haruna ngoni: Nadab e Abihu e Eli'azaaru e Itamar.

²Ammaa Nadab e Abihu aarti baaba muuɗum'en maayugo, ɓe keɓaay ɓikkoy. Eli'azaaru e Itamar tan kuuwi kuugal limanku.

³Daawuda e Cadok mo danygol Eli'azaaru e Ahimelek mo danygol Itamar cenndi yimɓe Haruna ngam geɓe kuugal maɓɓe.

⁴Worɓe nder danygol Eli'azaaru ɓuri worɓe nder danygol Itamar ɗuuɗugo. Ngam man ɓe cenndi ɓe bana nii: Haa danygol Eli'azaaru baaba-ci'e'en sappo e njoweego, haa danygol Itamar boo baaba-ci'e'en njoweetato.

⁵Ɓe cenndi ɓe fuu bee kur'u, ngam mawɓe haykaliiru seniindu e jaggiiɓe Allah ɗon caka danygol Eli'azaaru bana ɓe ɗon nder danygol Itamar.

⁶Sema'ya ɓii Netaneyel, binndoowo Lewiijo, kaŋko o winndi inɗe maɓɓe yeeso laamiiɗo e mawɓe e Cadok limanjo e Ahimelek ɓii Abiyatar e baaba-ci'e'en liman'en e Lewi'en. Ɓe mbaɗi kur'u: Ɓe koo'i saare woore ngam Eli'azaaru e saare woore ngam Itamar.

⁷Kur'u aranu waŋgini Yoyariba, ɗiɗaɓu Yeda'ya,

⁸tataɓu Harim, nayaɓu Se'orim,

⁹njowaɓu Malkiya, njoweego'oowu Miyamin,

¹⁰njoweeɗiɗaɓu Hakkoos, njoweetataɓu Abiya,

¹¹njoweenayaɓu Yeesu'a, sappoowu Sekaniya,

¹²sappo e ngo'oowu Eliyasib, sappo e ɗiɗaɓu Yakim,

¹³sappo e tataɓu Huppa, sappo e nayaɓu Yesebaba,

¹⁴sappo e njowaɓu Bilga, sappo e njoweego'oowu Immer,

¹⁵sappo e njoweeɗiɗaɓu Hezira, sappo e njoweetataɓu Happisses,

¹⁶sappo e njoweenayaɓu Petahiya, noogaswu Ezekiyel,

¹⁷noogas e ngo'oowu Yakin, noogas e ɗiɗaɓu Gamul,

¹⁸noogas e tataɓu Delaya, noogas e nayaɓu Ma'ajiya.

¹⁹Kanje ngoni geɓe kuugal maɓɓe, haa ɓe nasta haykaliiru Jawmiraawo fodde umroore nde Jawmiraawo Allah umrino kaaka maɓɓe Haruna.

²⁰Lewi'en luttuɓe ngoni: Subayel haa danygol Amram. Yehedeya haa danygol Subayel.

²¹Haa danygol Rehabiya boo, Yissiya woni arano.

²²Haa ɓiɓɓe Yicehar boo, Selomit. Haa ɓiɓɓe Selomit boo, Yahat.

²³Ɓiɓɓe Heburuun ngoni: Yeriya arano e Amariya ɗiɗaɓo e Yahajiyel tataɓo e Yekame'am nayaɓo.

²⁴Ɓii Uzziyel, Mika. Haa ɓiɓɓe Mika boo, Samir.

²⁵Deerɗiraawo Mika, Yissiya. Haa ɓiɓɓe Yissiya boo, Zekariya.

²⁶Ɓiɓɓe Meraari ngoni: Mahali e Musi e ɓiɓɓe ɓiyiiko Ya'ajiya.

²⁷Ndaa danygol Meraari bee Ya'ajiya ɓiyum: Soham e Zakkur e Ibri.

²⁸Haa Mahali boo, Eli'azaaru. Ammaa kaŋko o walaa ɓiɓɓe worɓe.

²⁹Haa Kis boo, Yerahameel.

³⁰Ɓiɓɓe Musi boo, Mahali e Eder e Yerimot. Kamɓe ngoni Lewi'en fodde ci'e maɓɓe.

³¹Kamɓe boo, ɓe mbaɗi kur'u bana banndiraaɓe maɓɓe yimɓe Haruna. Ɓe mbaɗi ɗum yeeso laamiiɗo Daawuda e Cadok e Ahimelek e baaba-ci'e'en liman'en e Lewi'en. Bana non ɗum laati ngam baaba saare mawɗo e pamaro fuu.