Read Fulfulded 1 Habaruuji Nyalaaɗe 25 Bible Online

1 Habaruuji Nyalaaɗe 25 - Fulfulded bible

1 Habaruuji Nyalaaɗe 25

¹Daawuda e mawɓe honooɓe cuɓi huuwooɓe caka yimɓe Asaf e Heman e Yedutuun, waɗooɓe annabaaku bee fiyugo moolooji e garayaaji e koŋsiije. Ndaa inɗe maɓɓe:

²Nder ɓiɓɓe Asaf: Zakkur e Yusufu e Netaniya e Asareela. Ɓe ɗonno dow ardaaŋgal baaba maɓɓe Asaf mo ɗonno waɗa annabaaku dow ardaaŋgal laamiiɗo.

³Nder saare Yedutuun boo: Ɓiɓɓe maako Gedaliya e Ceri e Esaaya e Hasabiya e Matitiya e Sim'i, ɓe njoweego, ɓe ɗon dow ardaaŋgal baaba maɓɓe Yedutuun mo ɗonno waɗa annabaaku bee fiyugo moolooru ngam yettugo e maŋgtugo Jawmiraawo.

⁴Nder saare Heman boo, ɓiɓɓe maako Bukkiya e Mattaniya e Uzziyel e Sebuwel e Yerimot e Hananiya e Hanani e Eliyata e Giddalti e Romamti-Ejer e Yosebekasa e Malloti e Hotir e Mahaziyot.

⁵Ɓe fuu ɓe ɓiɓɓe Heman, puufoowo luwal, gi'anoowo laamiiɗo fodde koŋngol Allah. Allah hokki Heman ɓiɓɓe worɓe sappo e nayo e ɓiɓɓe rewɓe tato.

⁶Worɓe ɓe'e fuu ngimi bee koŋsiije e garayaaji e moolooji nder haykaliiru Jawmiraawo. Ɓe ɗonno dow ardaaŋgal baabiraaɓe maɓɓe Asaf e Yedutuun e Heman. Ɓe kuuwi kuugal maɓɓe haa haykaliiru Allah dow ardaaŋgal laamiiɗo.

⁷Limgal maɓɓe bee banndiraaɓe maɓɓe annduɓe yimango Jawmiraawo fuu waɗi teemeɗɗe ɗiɗo e cappanɗe njoweetato e njoweetato (288).

⁸Ɓe mbaɗi kur'u ngam kuugal maɓɓe, mawɓe e famarɓe, annduɓe e ekkitooɓe kal-kal.

⁹Kur'u aranu waŋgini Yusufu ɓii Asaf, ɗiɗaɓu boo waŋgini Gedaliya e deerɗiraaɓe mum e ɓiɓɓe mum, ɓe sappo e ɗiɗo,

¹⁰tataɓu boo waŋgini Zakkur e ɓiɓɓe mum e deerɗum'en, ɓe sappo e ɗiɗo,

¹¹nayaɓu boo waŋgini Yiciri e ɓiɓɓe mum e deerɗiraaɓe mum, ɓe sappo e ɗiɗo,

¹²njowaɓu boo waŋgini Netaniya e ɓiɓɓe mum e deerɗum'en, ɓe sappo e ɗiɗo,

¹³njoweegoowu boo waŋgini Bukkiya e ɓiɓɓe mum e deerɗum'en, ɓe sappo e ɗiɗo,

¹⁴njoweeɗiɗawu boo waŋgini Yesareela e ɓiɓɓe mum e deerɗum'en, ɓe sappo e ɗiɗo,

¹⁵njoweetataɓu boo waŋgini Esaaya e ɓiɓɓe mum e deerɗum'en, ɓe sappo e ɗiɗo,

¹⁶njoweenayaɓu boo waŋgini Mattaniya e ɓiɓɓe mum e deerɗum'en, ɓe sappo e ɗiɗo,

¹⁷sappoowu boo waŋgini Sim'i e ɓiɓɓe mum e deerɗum'en, ɓe sappo e ɗiɗo,

¹⁸sappo e ngo'oowu boo waŋgini Azareyel e ɓiɓɓe mum e deerɗum'en, ɓe sappo e ɗiɗo,

¹⁹sappo e ɗiɗawu boo waŋgini Sabiya e ɓiɓɓe mum e deerɗum'en, ɓe sappo e ɗiɗo,

²⁰sappo e tataɓu boo waŋgini Subayel e ɓiɓɓe mum e deerɗum'en, ɓe sappo e ɗiɗo,

²¹sappo e nayaɓu boo waŋgini Mattitiya e ɓiɓɓe mum e deerɗum'en, ɓe sappo e ɗiɗo,

²²sappo e njowaɓu boo waŋgini Yeremot e ɓiɓɓe mum e deerɗum'en, ɓe sappo e ɗiɗo,

²³sappo e njoweegoowu boo waŋgini Hananiya e ɓiɓɓe mum e deerɗum'en, ɓe sappo e ɗiɗo,

²⁴sappo e njoweeɗiɗawu boo waŋgini Yosebekasa e ɓiɓɓe mum e deerɗum'en, ɓe sappo e ɗiɗo,

²⁵sappo e njoweetataɓu boo waŋgini Hanani e ɓiɓɓe mum e deerɗum'en, ɓe sappo e ɗiɗo,

²⁶sappo e njoweenayaɓu boo waŋgini Malloti e ɓiɓɓe mum e deerɗum'en, ɓe sappo e ɗiɗo,

²⁷noogaswu boo waŋgini Eliyata e ɓiɓɓe mum e deerɗum'en, ɓe sappo e ɗiɗo,

²⁸noogas e ngo'oowu boo waŋgini Hotir e ɓiɓɓe mum e deerɗum'en, ɓe sappo e ɗiɗo,

²⁹noogas e ɗiɗawu boo waŋgini Giddalti e ɓiɓɓe mum e deerɗum'en, ɓe sappo e ɗiɗo,

³⁰noogas e tataɓu boo waŋgini Mahaziyot e ɓiɓɓe mum e deerɗum'en, ɓe sappo e ɗiɗo,

³¹noogas e nayaɓu boo waŋgini Romamti-Ejer e ɓiɓɓe mum e deerɗum'en, ɓe sappo e ɗiɗo.