Read Fulfulded 1 Habaruuji Nyalaaɗe 9 Bible Online

1 Habaruuji Nyalaaɗe 9 - Fulfulded bible

1 Habaruuji Nyalaaɗe 9

¹Bana nii Isra'iila'en fuu mbinndaama fodde gide muuɗum'en nder Deftere Laamiiɓe Isra'iila. Ammaa yimɓe Yahuuda dahaama haa Baabila ngam ɓe ngewi umroore Jawmiraawo.

²Aartuɓe wartugo haa ɓe njooɗo nder maral maɓɓe e nder gure maɓɓe, ɗum Isra'iila'en woɗɓe e liman'en e Lewi'en e huuwooɓe kuuɗe pamare nder haykaliiru.

³Yimɓe Yahuuda e Benyamin e Efrayim e Manassa woɗɓe boo njooɗi haa Urusaliima.

⁴Nder yimɓe Yahuuda: Utay ɓii Ammihudu ɓii Omiri ɓii Imiri ɓii Baani, nder danygol Peres ɓii Yahuuda

⁵e nder Selani'en boo: Asaya, afo Selan e ɓiɓɓe maako.

⁶Nder ɓiɓɓe Zeraha boo: Ye'uwel e banndiraaɓe maɓɓe teemeɗɗe njoweego e cappanɗe njoweenayo (690).

⁷Nder yimɓe Benyamin boo: Sallu ɓii Mesullam ɓii Hodawiya ɓii Hassenuwa

⁸e Yibniya ɓii Yeroham e Ela ɓii Uzzi ɓii Mikiri e Mesullam ɓii Sefatiya ɓii Re'uwel ɓii Yibniya.

⁹Limgal banndiraaɓe maɓɓe fodde defte asli maɓɓe, waɗi yimɓe teemeɗɗe njoweenayo e cappanɗe njowo e njoweego (956). Ɓe fuu ɓe baaba-ci'e'en maɓɓe.

¹⁰Nder liman'en: Yeda'ya e Yoyaribu e Yakin

¹¹e Azariya ɓii Hilkiyya ɓii Mesullam ɓii Cadok ɓii Merayot ɓii Ahitooba, kaliifaajo haykaliiru Allah.

¹²Non boo Adaya ɓii Yeroham ɓii Pashuuru ɓii Malkiya e Ma'asay ɓii Adiyel ɓii Yahasera ɓii Mesullam ɓii Mesillemit ɓii Immer

¹³e banndiraaɓe maɓɓe, baaba-ci'e'en ujineere e teemeɗɗe njoweeɗiɗo e cappanɗe njoweego (1.760), ɓe worɓe waawɓe kuugal haa haykaliiru Allah.

¹⁴Nder Lewi'en Sema'ya ɓii Hassuba ɓii Azrikam ɓii Hasabiya mo danygol Meraari

¹⁵e Bakbakkar e Heeres e Galal e Mattaniya ɓii Mika ɓii Zikiri ɓii Asaf

¹⁶e Obadiya ɓii Sema'ya ɓii Galal ɓii Yedutuun e Berekiya ɓii Asa ɓii Elkaana, mo jooɗi nder gure Netofa'en.

¹⁷Ɓe'e ngoni aynooɓe dammuɗe: Sallum e Akkubu e Talmon e Ahiman e banndiraaɓe maɓɓe. Sallum woni hooreejo maɓɓe.

¹⁸Haa wargo hannde ɓe ɗon ayna Dammugal Laamiiɗo haa wakeere suudu fuunaaŋgeere. Kamɓe ngoni aynooɓe dammuɗe saŋngeere Lewi'en.

¹⁹Sallum ɓii Koore ɓii Ebiyasaf ɓii Koora e deerɗiraaɓe maako iwɓe haa saare baaba maako, waato Koora'en, kamɓe ɓe keɓi kuugal aynugo dammugal laymaaru, bana kaakiraaɓe maɓɓe aynirno nastirde haa saŋngeere Jawmiraawo.

²⁰Ɓooyma Pinehas ɓii Eli'azaaru wonno hooreejo maɓɓe, ngam Jawmiraawo ɗonno wondi bee maako.

²¹Zekariya ɓii Meselemiya wonno aynoowo haa dammugal laymaaru fottirde.

²²Suɓaaɓe ngam aynugo dammuɗe, limgal maɓɓe waɗi teemeɗɗe ɗiɗo e sappo e ɗiɗo (212). Ɓe winndaaɓe nder deftere asli maɓɓe haa gure maɓɓe. Daawuda e Samuyila gi'oowo kalfitini ɓe kuugal maajum.

²³Kamɓe e ɓiɓɓe maɓɓe ndari ngam aynol haa dammuɗe haykaliiru Jawmiraawo, waato suudu laymaaru.

²⁴Aynooɓe dammuɗe go ndari haa alkibilaaji nayi fuu, haa fuunaaŋge e hiirnaaŋge e woyla e fombina.

²⁵Banndiraaɓe maɓɓe wonɓe nder gure boo, doole ɓe ngara saa'i feere feere ngam huuwdugo bee maɓɓe nyalɗe joweeɗiɗi.

²⁶Aynooɓe nayo mawɓe go ɗon kuuwa kuugal muuɗum'en foroy. Lewi'en ayni cigorɗi e ndesaaje haa suudu Allah.

²⁷Koo bee jemma boo ɓe ɗon baŋnge haykaliiru nder taarde fuu, ngam ɓe halfinaaɓe aynol. Nde weeti fuu ɓe maɓɓiti dammuɗe boo.

²⁸Lewi'en woɗɓe ɗon ngam aynugo kuuwruɗe. Ɓe limi ɗe, wakkati ɗe nastina malla ɗe ngurtina.

²⁹Woɗɓe fahin ɗon ngam aynugo kuuje goɗɗe e kuuje cenaaɗe fuu e kuroori ɗiggundi e inaboojam e nebbam e uurle uureteeɗe e kuuje uurɗe.

³⁰Ammaa woɗɓe haa ɓiɓɓe liman'en njilli kuuje uurɗe man.

³¹Matitiya Lewiijo halfinaama kuugal sa'ugo[10] tamseeje. O afo Sallum Kooraajo.

³²Woɗɓe haa banndiraaɓe maɓɓe nder yimɓe Kahat kalfinaama kuugal tamseeje jo'inteeɗe, ɓe taaskitina ɗum nyalɗe ciwtorɗe fuu.

³³Ammaa ɗowooɓe gimi, baaba-ci'e'en Lewi'en, njooɗi nder cuuɗi pamari haa haykaliiru Allah. Kamɓe ɓe kuuwaay kuugal feere, ngam ɓe ɗon cukli bee kuugal maɓɓe jemma e naaŋge fuu.

³⁴Kamɓe ngoni baaba-ci'e'en Lewi'en fodde deftere asli maɓɓe. Ɓe njooɗi haa Urusaliima.

³⁵Ye'iyel, baaba Gibiyon jooɗi haa Gibiyon. Innde debbo maako, Ma'aka.

³⁶Abdon woni afo maako, nden o danyi boo Cuuru e Kis e Ba'al e Neer e Nadab

³⁷e Gedor e Ahiyo e Zekariya e Mikilot.

³⁸Mikilot danyi Simam. Kamɓe ɓe njooɗodi bee banndiraaɓe maɓɓe haa Urusaliima, ɓe tiitotiri.

³⁹Neer danyi Kis, Kis danyi Sawulu, Sawulu danyi Yonatan e Malkisu'a e Abinadabu e Esba'al.

⁴⁰Ɓii Yonatan boo, Merib-Ba'al. Merib-Ba'al danyi Mika.

⁴¹Ɓiɓɓe Mika boo: Piton e Melek e Tahare'a.

⁴²Akas danyi Ya'ara, Ya'ara danyi Alemet e Azmawet e Zimiri. Zimiri danyi Moosa.

⁴³Moosa danyi Bine'a, Bine'a danyi Refaya, Refaya danyi El'aasa, El'aasa danyi Acel.

⁴⁴Acel woodi ɓiɓɓe worɓe njoweego. Inɗe maɓɓe, Azrikam e Bokuru e Isma'iilu e Se'ariya e Obadiya e Hanan. Kamɓe ngoni ɓiɓɓe Acel.