Read Fulfulded 2 Habaruuji Nyalaaɗe 27 Bible Online

2 Habaruuji Nyalaaɗe 27 - Fulfulded bible

2 Habaruuji Nyalaaɗe 27

¹Yotam woodi duuɓi noogas e jowi, saa'i o laamo. O laami haa Urusaliima duuɓi sappo e joweego. Innde daada maako, Yeruusa ɓii Cadok.

²O waɗi ko fottani Jawmiraawo, bana baaba maako Uzziya waɗno fuu, bilaa woofugo bee nastugo nder haykaliiru Jawmiraawo, ammaa ummaatoore tokki waɗugo kalluɗum.

³Yotam mahi dammugal ɓaŋgiiŋgal haa haykaliiru Jawmiraawo, o nyiɓi ɗuuɗɗum boo dow mahol haa Ofel.

⁴O nyiɓi berniiji nder kooseeje Yahuuda. Nder layɗe boo o nyiɓi cuuɗi mawɗi cemmbiɗɗi e cuuɗi towɗi cemmbiɗɗi.

⁵O haɓi bee laamiiɗo Ammooni'en, o jaali mo. Nduuɓu maajum Ammooni'en ndokki mo cardi baakin kilo ujine tati (3.000) e alkamaari baakin buhu ujine noogas (20.000) e sa'iiruuri boo baakin buhu ujine noogas. Koo nder nduuɓu ɗiɗaɓu e tataɓu boo ɓe ndokki mo bana non.

⁶Yotam laati baawɗo, ngam o tokki laabi Jawmiraawo Allah maako bilaa selugo ɗi sam.

⁷Luttuɗum haala Yotam e kuuɗe mum fuu, konuuji mum e kuuɗe mum fuu, ɗum winndaama nder Deftere Laamiiɓe Isra'iila e Yahuuda.

⁸O woodi duuɓi noogas e jowi, saa'i o laamo. O laami haa Urusaliima duuɓi sappo e joweego.

⁹Yotam maayi, ɓe uwi mo baŋnge genaale kaakiraaɓe maako nder Berniwol Daawuda. Ɓiyiiko Akas laami haa pellel maako.