Read Fulfulded Nehemiya 12 Bible Online

Nehemiya 12 - Fulfulded bible

Nehemiya 12

¹Ndaa inɗe liman'en e Lewi'en warduɓe bee Zorobaabila ɓii Salatiyel e Yeesu'a: Seraya, Yeremiya, Esira,

²Amariya, Malluku, Hattus,

³Sekaniya, Rehum, Meremot,

⁴Iddo, Ginnetoy, Abiyya,

⁵Miyamin, Ma'adiya, Bilga,

⁶Sema'ya, Yoyaribu, Yeda'ya,

⁷Sallu, Amok, Hilkiyya, Yeda'ya. Kamɓe ngoni ardiiɓe liman'en e deerɗiraaɓe maɓɓe nder zamanu Yeesu'a.

⁸Lewi'en ngoni: Yeesu'a, Binnuy, Kadmiyel, Serebiya, Yahuuda e Mattaniya. Kaŋko e deerɗiraaɓe maako ngoni halfitinaaɓe gime maŋgtooje.

⁹Bakbukiya e Unni e deerɗiraaɓe muuɗum'en tiitotiri bee maɓɓe nder kuuɗe muuɗum'en.

¹⁰Yeesu'a danyi Yooyakim, Yooyakim danyi Eliyasib, Eliyasib danyi Yoyada,

¹¹Yoyada danyi Yonatan, Yonatan danyi Yaddu'a.

¹²Nder zamanu Yooyakim, ɓe'e ngoni baaba-ci'e'en liman'en: Meraya ngam saare Seraya, Hananiya ngam saare Yeremiya,

¹³Mesullam ngam saare Esira, Yehohanan ngam saare Amariya,

¹⁴Yonatan ngam saare Meliku, Yusufu ngam saare Sebaniya,

¹⁵Adna ngam saare Harim, Helkay ngam saare Merayot,

¹⁶Zekariya ngam saare Iddo, Mesullam ngam saare Ginneton,

¹⁷Zikiri ngam saare Abiyya, Piltay ngam ci'e Miyamin e Mo'adiya,

¹⁸Sammu'a ngam saare Bilga, Yonatan ngam saare Sema'ya,

¹⁹Mattenay ngam saare Yoyaribu, Uzzi ngam saare Yeda'ya,

²⁰Kallay ngam saare Sallay, Eber ngam saare Amok,

²¹Hasabiya ngam saare Hilkiyya, Netaneyel ngam saare Yeda'ya.

²²Nder zamanu Eliyasib e Yoyada e Yohanan e Yaddu'a, inɗe Lewi'en laatiiɓe baaba-ci'e'en mbinndaama non boo liman'en haa wargo laamu Dariyus Persiijo.

²³Lewi'en laatiiɓe baaba-ci'e'en mbinndaama nder Deftere Habaruuji Nyalaaɗe, haa wargo zamanu Yohanan ɓii Eliyasib.

²⁴Mawɓe Lewi'en, ɓe'e: Hasabiya e Serebiya e Yeesu'a ɓii Kadmiyel. Deerɗiraaɓe maɓɓe Mattaniya e Bakbukiya e Obadiya tiitotiri bee maɓɓe ngam maŋgtugo e yettugo Jawmiraawo fodde geɓe maɓɓe, bana Daawuda, goɗɗo Allah umruno. Mesullam e Talmon e Akkubu ngoni aynooɓe dammuɗe ngam aynugo cigorɗi haa dammuɗe.

²⁵

²⁶Kamɓe ɓe ngeeɗi nder zamanu Yooyakim ɓii Yeesu'a ɓii Yocadak e Nehemiya ngomnaajo e Esira, limanjo e moodibbo tawreeta.

²⁷Saa'i cenki mahol Urusaliima, ɓe ɗaɓɓitoyi Lewi'en haa nokkuuje ɓe ngoni fuu haa ɓe ngara Urusaliima, ɓe mbaɗa juulde cenki mahol bee seyo, bee gettooje e gimi, bee koŋsiije e moolooji e garayaaji.

²⁸Yimooɓe ngari diga gure taariiɗe Urusaliima e kawyeeji Netofa'en e Bayti-Gilgal e laɗɗe Geba e Azmawet, ɓe mooɓtotiri haa Urusaliima, ngam yimooɓe man nyiɓanino ko'e muuɗum'en kawyeeji taariiɗi Urusaliima.

²⁹

³⁰Liman'en e Lewi'en aarti senugo ko'e muuɗum'en. Nden ɓe ceni yimɓe e dammuɗe e mahol.

³¹Min, mi wa'ini ardiiɓe Yahuuda dow mahol, mi darni yimooɓe geɓe mawɗe ɗiɗi ngam yimugo gime gettooje. Yeɓre woore yehi dow hoore mahol gal juŋngo nyaamo heedi Dammugal Jiddere.

³²Hosa'ya tokki nde bee reeta ardiiɓe Yahuuda.

³³Non boo Azariya e Esira e Mesullam

³⁴e Yahuuda e Benyamin e Sema'ya e Yeremiya

³⁵e woɗɓe liman'en bee algaytaaji e Zekariya ɓii Yonatan ɓii Sema'ya ɓii Mattaniya ɓii Mikaya ɓii Zakkur ɓii Asaf

³⁶e deerɗiraaɓe muuɗum'en Sema'ya e Azareyel e Milalay e Gilalay e Ma'ay e Netaneyel e Yahuuda e Hanani, bee kuuje gimruɗe Daawuda, goɗɗo Allah. Moodibbo Esira ardi ɓe.

³⁷Ɓe mba'i Dammugal Seeɓoore, ɓe tiiti cir, ɓe mba'i jaaɓruɗe haa Berniwol Daawuda, ɓe tokki wa'orde mahol dow saare Daawuda yahugo Dammugal Ndiyam haa fuunaaŋge.

³⁸Yeɓre ɗiɗawre boo yehi gal juŋngo nano. Mi tokki nde bee reeta ardiiɓe Yahuuda feere dow mahol. Min tokki mahol dow suudu towndu wi'eteendu Defrudu, haa yotti mahol jaasŋgol.

³⁹Min tokkiti dow Dammugal Efrayim e Dammugal Yesana e Dammugal Liɗɗi e suudu Hananiyel towndu e suudu towndu wi'eteendu Teemerre e Dammugal Baali. Min kaaɗi haa Dammugal Aynol.

⁴⁰Geɓe yimooɓe ɗiɗi fuu ndari haa haykaliiru Allah. Reeta kaliifa'en ɗon ngondi bee am,

⁴¹non boo liman'en Eliyakim e Ma'aseya e Miyamin e Mikaya e Eliyo'enay e Zekariya e Hananiya, bee algaytaaji

⁴²e Ma'aseya e Sema'ya e Eli'azaaru e Uzzi e Yohanan e Malkiyya e Elam e Ezer. Nden yimooɓe puɗɗi yimugo, Yisrahiya limtani ɓe.

⁴³Nyannde maajum ɓe lii'ani Allah kirsaaɗi ɗuuɗɗi. Ɓe ceyi, ngam Allah hokki ɓe seyo maŋngo. Rewɓe e ɓikkoy ceyodi bee maɓɓe. Hoolo seyo Urusaliima yehi daayiiɗum.

⁴⁴Nyannde nde ɓe njo'ini aynooɓe haa cuuɗi cigorɗi ngam dokke e ɓenndalooje aartuɗe e zakkaaji, ngam sigaago ton ko yimɓe ngaddi diga gese taariiɗe gure, waato geɗe ɗe tawreeta ta'ani liman'en e Lewi'en. Yahuudu'en ceyori kuugal liman'en e Lewi'en.

⁴⁵Ɓe kuuwi kuugal Allah maɓɓe e kuugal cenki. Yimooɓe e aynooɓe dammuɗe, kamɓe boo ɓe kuuwi fodde umroore Daawuda e ɓiyum Suleymaanu.

⁴⁶Ngam diga ɓooyma, nder zamanu Daawuda e Asaf, woodino ardiiɓe dow yimooɓe e gimi maŋgtooje e gettooje ngam Allah.

⁴⁷Nder zamanu Zorobaabila e zamanu Nehemiya, Isra'iila'en fuu ndokki geɗe haa yimooɓe e aynooɓe dammuɗe, fodde haaje kala nyalaade fuu. Non boo dokke cenaaɗe ngam Lewi'en. Lewi'en boo ndokki liman'en, danygol Haruna, ko tawreeta yeɗani ɓe nder dokke ɗe'e.