Read Fulfulded Tobit 9 Bible Online

Tobit 9 - Fulfulded bible

Tobit 9

¹Nden Tobiyas ewni Rafayel, wi'i mo:

²“Deerɗam Azariya, hoocu huuwooɓe nayo bee geelooɗi ɗiɗi, dillu haa Rages haa Gabayel. Hokku mo bataakewol ngol ɓe ngaɗi juŋngo dow muuɗum, haa o lornane ceede. Nden wardu bee Gabayel haa ɓaŋgal.

³A anndi baaba am ɗon lima nyalɗe luttuɗe. To mi ɓurni nyalaade woore, ɗum suklan mo jamum. Ammaa nde Raguyel huni o accataa yam mi dilla, min kam, mi waawataa ƴaɓɓaago hunayeere maako.”

⁵Rafayel dilli haa Rages nder lesdi Mediya bee huuwooɓe nayo e geelooɗi ɗiɗi, ɓe mbaali haa Gabayel. Rafayel hokki mo bataakewol, anndini mo no Tobiyas ɓii Tobit ɓaŋgri e no o waɗani mo mbaataŋga. Law Gabayel dilli limgo boorooji ceede bee kalagaaje, ɓe mba'ini ɗum dow geelooɗi.

⁶Fajiri cub, ɓe ndillidi ɓaŋgal. Nde ɓe njotti haa Raguyel, ɓe tawi Tobiyas ɗon nyaama. O ummi law ngam hoofnugo Gabayel. Gabayel fuɗɗi woygo, o barkiɗini Tobiyas, o wi'i: “A ɓiɗɗo tedduɗo, baaba ma o tedduɗo, adiliijo e caahiiɗo! Jawmiraawo barkiɗine diga asama, an e debbo ma, o barkiɗina boo esiraaɓe ma! Mi yetti Allah ngam o yerdi mi laara denɗam Tobiyas nannduɗo ceh bee baaba mum!”