Read Fulfulded Yudit 3 Bible Online

Yudit 3 - Fulfulded bible

Yudit 3

¹Ɓe neli nelaaɓe haa Olofernes bee habaru salaaman. Ɓe mbi'i mo:

²“Minin min maccuɓe Nabukodonosor, laamiiɗo mawɗo. Waɗ min ko ngiɗɗa.

³Gese amin e lesdi amin, gese alkamaari amin, dabbaaji amin e dammooji amin fuu, waɗ ɗum ko fottani ma.

⁴Berniiji amin fuu an jeyi, yimɓe wonɓe ton fuu, ɓe maccuɓe ma. War e waɗ ɗum ko ngiɗɗa fuu.”

⁵Ɓe njottinani Olofernes nelal man.

⁶Nden o yehi haa fomoonde Mbeela bee sooje'en maako. O jo'ini cuuɗi sooje'en haa babe cemmbiɗɗe, yimɓe gure man marɓe semmbe fuu o nastini ɓe ngam wallugo sooje'en maako.

⁷Haa gure ɓe caali fuu, ɓe njaɓɓi ɓe bee meetaleeji e gamarle e bawɗi.

⁸Olofernes wirgi babe maɓɓe ceniiɗe. O ta'i leɗɗe maɓɓe ceniiɗe. Bana no ɓe umri mo, o yibbini labbi ɗi ɓe ndewata, o dooli yimɓe le'i e ɗemɗe fuu rewugo Nabukodonosor feere muuɗum, ɓe toro mo bana o ɗowanteeɗo.

⁹Ɓaawoɗon Olofernes yotti haa Esderlon kommbi Dotan yeeso kooseeje Yahudiya.

¹⁰O jo'ini saŋngeere maako hakkunde gure Geba e Sitopolis, o jooɗi ton baakin lewru ngam mooɓtango sooje'en maako njooɓaari.