Read Fulfulded Ayuba 23 Bible Online

Ayuba 23 - Fulfulded bible

Ayuba 23

²Mi ɗon tuurta bee bojji am koo hannde boo, mi waawataa mi jeeɗo, mi acca numugo.

³Mi yiɗi anndugo haa Allah tawete! Mi yahanno mi tawa mo haa o jooɗi,

⁴mi gooŋɗina hoore am yeeso maako, mi wi'a mo hujjaaji am.

⁵Ɓaawo maajum mi anndan ko o jaaboto yam, nden mi faaman ko o wi'atammi.

⁶Sey o hollammi semmbe maako mawnde na? Aa'a! O nana ko mi wi'ata mo tan he'i.

⁷Goɗɗo gooŋɗuɗo waabotiran bee maako ton, kaŋko woni kiitoowo yam, o adilintam haa foroy.

⁸Ammaa koo to mi tefi mo gal fuunaaŋge, o walaaɗon ton. Mi dilla hiirnaaŋge, mi yi'ataa mo ton.

⁹Woodi ko sukli mo haa woyla[16] na? Aa'a, mi yi'aay mo ton. O suuɗake haa fombina[17] na? Ton boo mi yi'aay mo.

¹⁰Alhaali boo, o anndi laawol ngol mi tokkoto, koo to o foondi yam, o tawatam mi laaɓɗo saray bana kaŋŋeeri.

¹¹Mi tokki batte maako bee laaɓɗum, ɗatal maako tan tokkiimi bilaa selugo ngal.

¹²Mi salaaki umrooje ɗe o hokki yam, bolle maako, mi jogi ɗe haa ɓernde am.

¹³Ammaa moy waylata ko Allah annini waɗugo? Ko fottani mo, kanjum o waɗata.

¹⁴Ko o nufi dow am, ɗum fuu ɗum laatoto, ɓernde maako ɗon nufo kuuje ɗuuɗɗe boo.

¹⁵Ndaa, ngam maajum mi wemmboto, mi hulan mo. To mi numi ɗum fuu, mi ɓesdan hulugo.

¹⁶Allah itti cuusal fuu haa ɓernde am, Baawɗo laati bemmbinoowo gikku am.

¹⁷Mi ɗon diwna ngam maako, naa ngam nyiɓre sam, koo to nyiɓɓuki maare wumni gite am.