Read Fulfulded Jabuura 112 Bible Online

Jabuura 112 - Fulfulded bible

Jabuura 112

¹Halleluya! Barka laatanto kulɗo Jawmiraawo, ceyortooɗo ɗowtanaago umrooje maako.

²Danygol maako heɓan baawɗe haa lesdi, gooŋga'en keɓan barka.

³Risku e jawdi ɗon nder saare maako, adilaaku maako ɗon tabiti haa foroy.

⁴Koo nder nyiɓre boo, annoora ɗon yaynana gooŋga'en, laatiiɓe enɗooɓe e hinnotooɓe e adili'en.

⁵Hayru woodani enɗuɗo, dokkanɗo nyamaande, kuuwanɗo kuuɗe mum dow gooŋga.

⁶Kaŋko o dimmbataako sam, yimɓe ngejjitittaa adiliijo sam.

⁷To o nani sarru, o hultortaa, ɓernde maako ɗon de'iti, ɗon hooli Jawmiraawo.

⁸Ɓernde maako ɗon de'i, o hulataa koo ɗume, o anndi o yi'an do'ere konne'en maako.

⁹O ɗon wallita laafuɓe bee caahaaki, adilaaku maako ɗon tabiti haa foroy, o heɓan baawɗe e tedduŋgal[52].

¹⁰Halluɓe ngi'an ɗum, ɓerɗe maɓɓe mettan, ɓe kirƴindiran nyii'e maɓɓe, ɓe nattan. Aaƴo halluɓe laatoto meere.